Dinamalar

விஜய்யை நெகிழ வைத்த 66வது படக்கதை

நெல்சன் இயக்கத்தில் பீஸ்ட் படத்தில் நடித்து முடித்துள்ள விஜய், அடுத்தபடியாக தெலுங்கு இயக்குனர் வம்சி பைடிபள்ளி இயக்கும் தனது 66வது படத்தில் நடிக்கப் போகிறார். தமிழ் தெலுங்கு என இரண்டு மொழிகளில் தயாராகும் இந்தப் படத்தை தில் ராஜு தயாரிக்கிறார். இந்த படத்தில் தெலுங்கு நடிகர் மகேஷ் பாபுவின் மகள் விஜய்யின் மகளாக நடிக்கப் போகிறார் என்ற தகவல் ஏற்கனவே வெளியானது.

இந்த நிலையில் தயாரிப்பாளர் தில் ராஜு, விஜய் 66வது படம் குறித்து ஒரு தகவல் வெளியிட்டுள்ளார். அதில், இயக்குனர் வம்சி கூறிய கதை எனக்கு ரொம்ப பிடித்திருந்தது. அதையடுத்து விஜய் இந்த கதையை கேட்ட பிறகு இதே போன்ற ஒரு கதையை நான் கேட்டு 20 வருடங்கள் ஆகிவிட்டது என்று ஒரு உற்சாகமான பதில் கொடுத்தார். ஒரு மிகப் பெரிய நடிகரே இப்படி கூறியதை கேட்டு எனக்கு இந்த படத்தின் மீது மிகப்பெரிய நம்பிக்கை ஏற்பட்டது. அதோடு ஏற்கனவே நான் நடித்து வெளியான பூவே உனக்காக, காதலுக்கு மரியாதை படங்களைப் போன்று இதுவும் ஒரு நல்ல குடும்பப் பாங்கான கதையாக உள்ளது என்று விஜய் நெகிழ்ச்சியுடன் தெரிவித்தார் என்று கூறியுள்ளார் தில் ராஜு.

விஜய் 66 ஆவது படத்தை மார்ச் மாதத்தில் தொடங்கி இந்த ஆண்டு தீபாவளிக்கு வெளியிட திட்டமிடப்பட்டுள்ளது. ஒருவேளை கொரோனா காரணங்களால் படப்பிடிப்பு தாமதம் ஆனால் அடுத்த ஆண்டு பொங்கலுக்கு இப்படம் வெளியாகும் என்று தெரிவித்திருக்கிறார் .

• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது

• 
  ஹரிஷ் கல்யாண் நடிக்கும் 'தாஷமக்கான்'
• 
  மணிரத்னம் படத்தில் நடிக்க மறுத்தாரா சாய் பல்லவி?
• 
  நெட்பிளிக்ஸ் முடிவு : அதிர்ச்சியில் தென்னிந்திய திரையுலகம்
• 
  விமலின் மகாசேனா படம் டிசம்பர் 12ல் திரைக்கு வருகிறது
• 
  பராசக்தி பட டப்பிங்கில் அதர்வா