Dinamalar

புது வீட்டில் குடி புகுந்த பூஜா ஹெக்டே

விஜய் நடிக்கும் 'பீஸ்ட்' படத்தின் கதாநாயகியான பூஜா ஹெக்டே தற்போது மும்பையில் வசித்து வருகிறார். அங்கு புதிய வீடு ஒன்றை வாங்கி நேற்று கிரகப்பிரவேசம் செய்து குடி புகுந்துள்ளார்.

அது குறித்து தன்னுடைய சமூகவலைதளத்தில், “ஒரு வருடமாகக் காத்திருந்த இன்றைய நன்னாள், அனைத்து கனவுகளும் நிறைவேறியது. உங்கள் மீது நம்பிக்கை வைத்து கடினமாக உழைக்கவும். இந்த பிரபஞ்சம், பிடிவாதமான மனதின் மீது காதலில் விழுகிறது,” என நெகிழ்ச்சியுடன் பதிவிட்டுள்ளார்.

கடந்த வருடம் மும்பை பாந்த்ரா பகுதியில் கடலைப் பார்த்தபடி இருக்கும் 3 படுக்கையறை கொண்ட அபார்ட்மென்ட் ஒன்றை வாங்கினார். படங்களில் நடித்து அவர் வாங்கிய சம்பளத்தைக் கொண்டு வாங்கியதால் அந்த அபார்ட்மென்ட்டின் இன்டீரியரை அவரே முன்னின்று செய்துள்ளார்.

தென்னிந்திய நடிகைகள் பலரும் தற்போது ஹிந்திப் படங்களில் நடித்து வருகிறார்கள். பூஜா ஹெக்டே, ராஷ்மிகா மந்தனா அதில் முன்னணியில் இருக்கிறார்கள். சமந்தா, அமலா பால் ஆகியோர் ஹிந்தி வெப் தொடர்களில் நடித்துள்ளார்கள்.

பிரபாஸுடன் பூஜா நடித்துள்ள 'ராதேஷ்யாம்' பான் இந்தியா படமாக வெளிவர உள்ளது. விஜய்யுடன் பூஜா நடித்துள்ள 'பீஸ்ட்', சிரஞ்சீவியுடன் தெலுங்கில் நடித்துள்ள 'ஆச்சார்யா' ஆகிய படங்கள் வெளிவந்தால் பூஜா மூன்று மொழிகளிலும் மேலும் முன்னணி இடத்தைப் பிடிக்க வாய்ப்புள்ளது.

• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது

• 
  ‛ஸ்பிரிட்' படத்தை துவங்கி வைத்த சிரஞ்சீவி!
• 
  அம்மாவை அவமானப்படுத்தியதால் பென்ஸ் கார் வாங்கிய மிருணாள் தாக்கூர்!
• 
  பிரதீப் ரங்கநாதனின் ‛எல்ஐகே' படத்தின் செகண்ட் சிங்கிள் எப்போது?
• 
  ஜூனியர் என்டிஆரை வைத்து பான் இந்திய படம் இயக்கும் ரிஷப் ஷெட்டி!
• 
  10 கிலோ வெயிட் குறைத்தது எப்படி? கீர்த்தி சுரேஷ் வெளியிட்ட தகவல்