Dinamalar

ஆண்ட்ரியா குரலுக்கு கவர்ச்சி ஆட்டம் போட்ட சமந்தா

தமிழில் முன்னணி பாடகியாக வலம் வருபவர் ஆண்ட்ரியா. இதுவரை ஏராளமான பாடல்களை பாடி ரசிகர்களை கவர்ந்துள்ளார். பன்முக திறமைக்கொண்ட இவர் நடிப்பிலும் கலக்கி வருகிறார். தற்போது மிஷ்கின் இயக்கத்தில் பிசாசு 2 படத்தில் நடித்து வருகிறார். மேலும் சில படங்களிலும் அவர் நடித்து வருகிறார்.

நீண்ட இடைவெளிக்கு பிறகு ஆண்ட்ரியா குத்துப் பாடல் ஒன்றுக்கு குரல் கொடுத்துள்ளார். அல்லு அர்ஜுன் நடிப்பில் சுகுமார் இயக்கத்தில் 'புஷ்பா' திரைப்படம் உருவாகி வருகிறது. ரஷ்மிகா மந்தனா கதாநாயகியாக நடிக்கிறார். இந்த படத்தில் சமந்தா ஒரு குத்து பாடலுக்கு நடனமாடுகிறார் என்ற செய்தி வெளியானபோது சமந்தா கவர்ச்சி ஆட்டம் ஆட போகிறார் என தகவல் பரவியது. அதை மெய்பிக்கும் வகையில் பாடலின் போஸ்டரை வெளியிட்டு உறுதிப்படுத்தினார்கள்.

இப்போது புஷ்பா படத்திலிருந்து சமந்தா ஆடிய பாடலின் லிரிக் வீடியோவை வெளியிட்டுள்ளனர். இதில் தமிழ் பதிப்பிற்கு தான் ஆண்ட்ரியா பாடி உள்ளார். ‛‛ஊ சொல்றியா மாமா ஊஊ சொல்றியா மாமா...'' என்ற பாடலை விவேகா எழுதியுள்ளார். தேவிஸ்ரீ பிரசாத் இசையமைத்துள்ளார். இந்த பாடலுக்கு நடிகை சமந்தா இதுவரை இல்லாத அளவுக்கு செம கவர்ச்சியாக குத்தாட்டம் போட்டுள்ளார். அதுதொடர்பான போட்டோக்கள் பாடலின் லிரிக் வீடியோவிலேயே வருகிறது. நேற்று முதல் சமந்தாவின் பாடல்கள் தான் சமூகவலைதளங்களில் அதிகம் டிரெண்ட் ஆனது.

கணவர் நாக சைதன்யாவை பிரிந்த பிறகு சமந்தா ஆடி உள்ள இந்த கவர்ச்சி ஆட்டத்தை பற்றி தான் சமூகவலைதளங்களில் ஒரே பேச்சாக இருக்கிறது.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  துல்கர் சல்மானுக்கு ஜோடியாக நடிக்க 3 கோடி சம்பளம் வாங்கிய பூஜா ஹெக்டே!
• 
  புகழ்ச்சியை தலையில் ஏற்றிக் கொள்ள மாட்டேன்! : கல்யாணி பிரியதர்ஷன்
• 
  விஜய்யின் தந்தை இயக்குனர் எஸ்.ஏ.சி.,யை டென்ஷன் ஆக்கிய கேள்வி!
• 
  சிம்புவின் ‛அரசன்' படத்தில் இடம் பெறும் மூன்று முன்னணி நடிகைகள்!
• 
  நாகார்ஜுனாவின் 100வது படத்தில் இணையும் நாகசைதன்யா - அகில்