ஜெய் பீம் - சர்ச்சைக்குரிய காலண்டர் படம் நீக்கம்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

ஜெய் பீம் - சர்ச்சைக்குரிய 'காலண்டர்' படம் நீக்கம்

06 நவ, 2021 - 01:43 IST

எழுத்தின் அளவு:

த.செ.ஞானவேல் இயக்கத்தில் சூர்யா, லிஜோமோல் ஜோஸ், மணிகண்டன் மற்றும் பலர் நடித்து சில தினங்களுக்கு முன்பு ஓடிடி தளத்தில் வெளியான படம் 'ஜெய் பீம்'. இப்படம் 1995 கடலூர் மாவட்டத்தில் இருளர் இனத்தைச் சேர்ந்த ராஜாகண்ணு என்பவருக்கு போலீஸ் காவலில் நேர்ந்த கொடுமைகளைப் பற்றியும், தனது கணவரை மீட்க அவரது மனைவி பார்வதி நடத்திய சட்டப் பேராட்டத்தைப் பற்றியும் உணர்வுபூர்வமாக வெளிப்படுத்தியது. படம் விமர்சகர்களாலும், ரசிகர்களாலும் பெரிதும் பாராட்டப்பட்டது.

அதே சமயம் படத்தில் கொடுமைக்கார போலீசாக நடித்த கதாபாத்திரத்தை வன்னியர் போன்று சித்தரித்ததற்கு அந்த சமுதாயத்தினர் கடும் எதிர்ப்புகளைத் தெரிவித்தனர். படத்தின் வசனங்களுக்காக உதவி செய்த எழுத்தாளர் கண்மணி குணசேகரன் என்பவர் இந்த தவறான சித்தரிப்பிற்கு தனது கண்டனப் பதிவை முகப்புத்தகத்தில் வெளியிட்டிருந்தார். அதைத் தொடர்ந்து இந்த விவகாரம் கடும் சர்ச்சையை ஏற்படுத்தியது.

படத்தில் ஒரு காட்சியில் வீட்டில் அந்த கொடுமைக்கார போலீஸ் சப்-இன்ஸ்பெக்டர் தொலைபேசியில் பேசிய போது பின்னணியில் இருந்த நாளிதழ் காலண்டரில் தீச்சட்டி படம் இடம் பெற்றது. அந்தக் குறியீடுதான் வன்னியர்களின் எதிர்ப்புகளுக்குக் காரணம்.

பின்னர் தன்னைத் தொடர்பு கொண்ட இயக்குனர் விரைவில் அந்த காலண்டரில் இடம் பெற்ற தீச்சட்டி படத்தை சாமி படமாக மாற்றுவதாகவும் உறுதியளித்தாக எழுத்தாளர் கண்மணி எழுதியிருந்தார்.

இந்நிலையில் தற்போது அந்தக் காட்சியில் இடம் பெற்ற காலண்டர் படம் சாமி படமாக மாற்றப்பட்டுள்ளது.

Jaibhim

கருத்துகள் (0) கருத்தைப் பதிவு செய்ய

ஜெய் பீம் படம் - வன்மத்தை ...

யார் முதல் நாள் வசூலில் டாப் ? - ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய