Dinamalar

அய்யப்பனும் கோஷியும் ரீமேக் ; ராணாவுக்கு முக்கியத்துவம் குறைப்பா?

மலையாளத்தில் கடந்த வருடம் வெளியாகி மிகப்பெரிய வெற்றியைப் பெற்ற படம் அய்யப்பனும் கோஷியும். பிஜூமேனன், பிரித்விராஜ் இருவரும் நடித்திருந்த இந்த படத்தை மறைந்த இயக்குனர் சாச்சி இயக்கியிருந்தார். இந்தநிலையில் இந்த படம் தற்போது தெலுங்கில் பவன் கல்யாண் மற்றும் ராணா இருவர் நடிப்பில் ரீமேக்காகிறது.. மலையாள ஒரிஜினலில் இரண்டு கதாபாத்திரங்களுக்கும் சரிசமமான முக்கியத்துவம் கொடுக்கப்பட்டிருக்கும். அதுமட்டுமல்ல, இந்த இரண்டு கதாபாத்திரங்களின் பெயர்களை இணைத்து தான் டைட்டில் கூட வைத்திருப்பார்கள்.

ஆனால் தற்போது பிஜூமேனன் கேரக்டரில் பவன் கல்யாண் நடிக்கும் பீம்லா நாயக் என்கிற கதாபாத்திர பெயரை மட்டுமே டைட்டிலாக வைக்க போகிறார்கள் என்கிற பேச்சு அடிபடுகிறது. அதுமட்டுமல்ல பவன் கல்யாணின் கதாபாத்திரத்தை இன்னும் சற்று மாஸாக காட்டுவதற்கான வேலையும் நடந்து கொண்டிருப்பதாக சொல்லப்படுகிறது. இந்த செய்தியால் ராணாவின் ரசிகர்கள் வருத்தத்தில் இருக்கிறார்கள்.

மேலும் இதுபோன்ற ரீமேக்குகளில் இப்படி ஏதாவது சில விஷயங்களை தேவையில்லாமல் மாற்றும்போதுதான் ஒரிஜினலில் பெற்ற வெற்றியை ரீமேக்கில் பெறமுடியாமல் போய்விடுகிறது. பாடிகார்ட், த்ரிஷ்யம் போன்ற மலையாள படங்கள் அதன் ஜீவன் கெடாமல் ரீமேக் செய்யப்பட்டபோது தெலுங்கில் மிகப்பெரிய வெற்றியை பெற்றன. அய்யப்பனும் கோஷியும் ரீமேக்கும் அப்படி ஒரு வெற்றியை ருசித்தால் தான் அதன் ஒரிஜினலை ரசித்தவர்கள் சந்தோஷப்படுவார்கள்.

• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்

• 
  ‛காந்தாரா சாப்டர் 1' வெற்றியை ஜெயசூர்யா வீட்டில் கொண்டாடிய ரிஷப் ஷெட்டி
• 
  பிரம்மாண்ட விழா நடத்தி மோகன்லாலை கவுரவித்த கேரள அரசு
• 
  லோகா ஒளிப்பதிவாளருக்கு விலை உயர்ந்த வாட்ச் பரிசளித்த கல்யாணி ...
• 
  நானி படத்தை இயக்கும் ஓஜி இயக்குனர் ; பூஜையுடன் படம் துவங்கியது
• 
  தொடரும் பட இயக்குனரின் சினிமாட்டிக் யுனிவர்ஸில் ஹீரோவாக நடிக்கும் ...