யாருப்பா அந்த வில்லன்

27 மார், 2025 - 10:44 IST

0 கருத்துகள் கருத்தைப் பதிவு செய்ய

எழுத்தின் அளவு:

நடிகர் பிரித்விராஜ் முதன்முறையாக இயக்குனராக மாறி மோகன்லாலை வைத்து கடந்த 2019ல் லூசிபர் என்கிற ஹிட் படத்தை கொடுத்தார். அதன் இரண்டாம் பாகமாக உருவாகியுள்ள எம்புரான் திரைப்படம் இன்று 27ம் தேதி வெளியாக இருக்கிறது. முதல் பாகத்தில் நடித்த முக்கிய கதாபாத்திரங்கள் இதிலும் நடித்துள்ளனர். பல புதிய நடிகர்கள் பாலிவுட்டில் இருந்து மட்டும் இல்லாமல் ஹாலிவுட்டில் இருந்தும் இதில் இடம் பெற்றுள்ளனர். அதே சமயம் இந்த படத்தின் வில்லன் யார் என்பது இப்போது வரை அறிவிக்கப்படாமல் சஸ்பென்ஸ் ஆகவே வைக்கப்பட்டுள்ளது.

லூசிபர் படத்தில் வில்லனாக பாலிவுட் நடிகர் விவேக் ஓபராய் நடித்திருந்தார். படத்தின் கதைப்படி கிளைமாக்ஸில் அவர் கொல்லப்படுகிறார். அதே சமயம் இந்த இரண்டாம் பாகம் கேரள அரசியல் கதைக்களத்துடன் சர்வதேச அளவிலான கதைக்களத்தையும் தீவிரமாக கலந்து உருவாக்கப்பட்டுள்ளதால் வில்லன் கதாபாத்திரமும் வலுவாக இருக்கும் என்று எதிர்பார்க்கப்படுகிறது. வில்லன் குறித்து அவரது பின்புற தோற்றத்துடன் உருவான போஸ்டர் மட்டுமே வெளியாகியுள்ளது.. அதை பார்த்துவிட்டு பல பேர் அது நடிகர் பஹத் பாசில் தான் என்று கூறினார்கள்.

ஆனால் சமீபத்திய பேட்டி ஒன்றில் பஹத் பாசில் இந்த படத்தில் நடிக்கவில்லை என்று சொல்லிவிட்டார் பிரித்விராஜ். இப்போது இந்த கதாபாத்திரத்தில் நடித்திருப்பது அமீர் கான் என்றும், இல்லையில்லை டே ஆப்டர் டுமாரோ படத்தில் வில்லனாக நடித்த ஹாலிவுட் நடிகர் ரிக் யுனே தான் அவர் என்றும் ரசிகர்கள் பலர் ஆருடம் கூறி வருகிறார்கள். அனேகமாக நாளை படம் வெளியான பிறகு தான் இந்த கதாபாத்திரத்தில் யார் நடித்துள்ளார் என்பது தெரியவரும்.

Empuraan

Mohanlal

கருத்துகள் (0) கருத்தைப் பதிவு செய்ய

மம்முட்டிக்கான பிரார்த்தனை என் ...

டேவிட் வார்னர் பற்றி அலட்சியமாக ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய