வன்முறை காட்சிகளுக்காக ஏ சான்றிதழ் பெற்ற படத்திற்கு முதல் டிக்கெட்டை வாங்கி துவக்கி வைத்த கேரள சபாநாயகர் - Advance booking now open for Marco; Kerala speaker buys first ticket for Unni Mukundan starrer

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

வன்முறை காட்சிகளுக்காக 'ஏ' சான்றிதழ் பெற்ற படத்திற்கு முதல் டிக்கெட்டை வாங்கி துவக்கி வைத்த கேரள சபாநாயகர்

17 டிச, 2024 - 11:37 IST

எழுத்தின் அளவு:

மலையாள திரையுலகில் குறிப்பிடத்தக்க அளவில் முன்னணி நடிகராக வளர்ந்து வருபவர் நடிகர் உன்னி முகுந்தன். பல வருடங்களுக்கு முன்பே தமிழில் தனுஷின் சீடன் படத்தில் நடித்திருந்தாலும் சமீபத்தில் சசிகுமார், சூரியுடன் இணைந்து கருடா படத்தில் நடித்ததன் மூலம் இன்னும் பெரிய அளவில் பிரபலமானார். அதுமட்டுமல்ல தெலுங்கு திரை உலகிலும் அனுஷ்கா, சமந்தா ஆகியோருக்கு ஜோடியாக நடித்து தென்னிந்திய அளவில் பிரபலமாக இருந்து வருகிறார்.

இந்த நிலையில் அவரது நடிப்பில் மிகப்பெரிய ஆக்சன் படமாக உருவாகியுள்ளது 'மார்கோ'. மம்முட்டி நடித்த 'தி கிரேட் ஆக்டர்' மற்றும் நிவின்பாலி நடித்த 'மைக்கேல்' உள்ளிட்ட படங்களை இயக்கிய ஹனீப் அதேனி இந்த படத்தை இயக்கியுள்ளார்.

இந்த படத்தில் இதுவரை இல்லாத அளவு வன்முறை தெறிக்கும் விதமாக ஏழு சண்டை காட்சிகள் இடம் பெற்றுள்ளன. இதனாலேயே இந்த படத்திற்கு 'ஏ' சான்றிதழ் வழங்கப்பட்டுள்ளது. வரும் டிசம்பர் 20ம் தேதி இந்த படம் வெளியாக உள்ள நிலையில் விரைவில் இதன் டிக்கெட் முன்பதிவு நடைபெற இருக்கிறது. இந்த படத்தை தயாரித்துள்ள சபீர் முகமது என்பவர் கேரள சட்டசபை சபாநாயகர் ஏஎன் சம்சீர் அவர்களுக்கு மிக நெருங்கிய நண்பர். அதனால் அந்த நட்பின் அடிப்படையில் இந்த படத்தின் முதல் டிக்கெட்டை பெற்றுக்கொண்டு இதன் விற்பனையை துவக்கி வைத்துள்ளார் சபாநாயகர்.

மக்களுக்கு ஒரு நல்ல கருத்தை சொல்லும் படமாக இருந்தால் கூட பரவாயில்லை, ஆனால் இப்படி வன்முறை கலந்த ஒரு ஆக்சன் படத்திற்கு அதுவும் ஏ சான்றிதழ் பெற்ற ஒரு படத்திற்கு கேரள சபாநாயகர் முதல் டிக்கெட்டை பெற்றிருப்பது அழகல்ல என்று பலரும் சபாநாயகரின் இந்த செயலை விமர்சித்து வருகின்றனர்.

Advance Booking

Marco

Kerala Speaker

Unni Mukundan

கருத்துகள் (0) கருத்தைப் பதிவு செய்ய

ஆபரேஷன் நாடகத்தை முடிவுக்கு கொண்டு ...

பிளாஷ்பேக் : படப்பிடிப்பின்போது வலி ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய