Dinamalar

சுரேஷ் கோபி மகனுக்கு சண்டை சொல்லித்தரும் மம்முட்டி

இயக்குனர் கவுதம் மேனன் பெயரளவில் கேரளாவை சேர்ந்தவராக ஆரம்பத்தில் இருந்தே அறியப்படுபவர் என்றாலும் அவர் இப்போது வரை மலையாளத்தில் படங்கள் இயக்கியது இல்லை. அது மட்டுமல்ல இங்கே தனது படங்களுக்கு தூய தமிழில் டைட்டில் வைக்கக்கூடிய ஒரு இயக்குனராகவும் அவர் இருக்கிறார். அதே சமயம் கடந்த சில வருடங்களாக மலையாள திரையுலகில் ஒரு நடிகராக தனது பயணத்தை துவங்கியுள்ளார் கவுதம் மேனன். இந்த நிலையில் தற்போது மம்முட்டியை வைத்து முதன் முதலாக மலையாளத்தில் 'டோம்னிக் அண்ட் தி லேடீஸ் பர்ஸ்' என்கிற படத்தை இயக்கி வருகிறார் கவுதம் மேனன். வழக்கம் போல ஆக்ஷன் பின்னணியில் இந்த படம் உருவாகி வருகிறது.

இந்த படத்தில் முக்கிய கதாபாத்திரத்தில் பிரபல நடிகர் சுரேஷ் கோபி மகன் கோகுல் சுரேஷும் நடிக்கிறார். தற்போது இந்த படத்தில் இருந்து மம்முட்டியும் கோகுல் சுரேஷும் இடம் பெற்றுள்ள ஒரு டீசர் ஒன்று வெளியாகி உள்ளது. இதில் மம்முட்டி, “நம்மை தாக்க எதிரிகள் வருவார்கள் வந்தால் எப்படி சமாளிக்க வேண்டும்” என டெக்னிக்கலாக சுரேஷ் கோபிக்கு சண்டை செய்யும் வித்தைகளை கற்றுக் கொடுப்பது மட்டுமே ஒரு முழு டீசராக உருவாகியுள்ளது. காக்க காக்க படத்தில் ரவுடி ஜீவாவை எதிர்கொள்ள சூர்யா தனது சகாக்களுடன் திட்டம் தீட்டுவது போல இந்த காட்சி தோன்றினாலும் இதற்குள் கொஞ்சம் காமெடியும் கலந்து இருப்பது டீசரை பார்க்கும்போது தெரிகிறது.

• 
  நான் அவள் இல்லை ; டீப் பேக் வீடியோ குறித்து வித்யா பாலன் எச்சரிக்கை
• 
  நான் செல்ல வேண்டிய நேரம் வந்துவிட்டது : அமிதாப்பச்சனின் பதிவால் பரபரப்பு!
• 
  இர்பான் கான் நினைவாக தங்கள் கிராமத்திற்கு புதிய பெயர் சூட்டிய மக்கள்
• 
  தகராறை முடித்துக் கொண்ட கங்கனா ரணவத், ஜாவேத் அக்தர்
• 
  மறைந்த பாலிவுட் நடிகர் உத்தம் மொகந்தி உடலுக்கு அரசு மரியாதை

• 
  என் மடியில் வளர்ந்த சிறுவன் இன்று பான் இந்திய ஸ்டார் ; நடிகர் பாபு ஆண்டனி ...
• 
  ஜூனியர் குஞ்சாக்கோ போபனாக நடித்தவர் அவருக்கே வில்லனாக மாறிய அதிசயம்
• 
  இன்ஸ்டாகிராம் புரமோஷனை கூட தவிர்க்கும் இளம் நடிகை ; இயக்குனர் விரக்தி
• 
  கருப்பை வெள்ளையாக்க அதிக படங்களில் நடிக்கிறேனா? : டென்ஷனான வாரிசு நடிகர்
• 
  ராஜ்குமாரின் 50வது பிறந்தநாளில் ரீ-ரிலீஸ் ஆகும் அப்பு