பெரிய பட்ஜெட், பெரிய ஹீரோ : தெலுங்கில் சாதிப்பாரா ஜோதி கிருஷ்ணா

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

06 டிச, 2024 - 01:20 IST

எழுத்தின் அளவு:

Big-budget,-big-hero:-Will-Jyothi-Krishna-succeed-in-Telugu

தமிழ் சினிமாவின் முன்னணி தயாரிப்பாளராக இருந்த ஏ.எம்.ரத்தினத்தின் மகன் ஜோதி கிருஷ்ணா. சினிமாவில் இயக்குனராக அறிமுகமான அவர் எனக்கு 20 உனக்கு 18, கேடி, படங்களை இயக்கினார். தமன்னா, இலியானா, ஸ்ரேயாவை தமிழ் சினிமாவில் அறிமுகப்படுத்தியவர் இவர்தான். பின்னர் 'ஊலலலா' என்ற படத்தை இயக்கி தானே நடித்தார். இந்த படம் எதிர்பார்த்த வரவேற்பை பெறவில்லை. இதனால் தெலுங்கு படங்களை இயக்கினார், ஆக்சிஜன், ரூல்ஸ் ரஞ்சன் படங்களை இயக்கினார். இவைகளும் பெரிதாக பேசப்படவில்லை.

இந்த நிலையில் அவர் பெரிய பட்ஜெட்டில் முன்னணி நடிகரும், துணை முதல்வருமான பவன் கல்யாண் நடிப்பில் 'ஹரி ஹர வீரமல்லு' படத்தை இயக்கி வருகிறார். இது ஒரு பீரியட் படமாகும். பவன் கல்யாண் நடிக்கும் முதல் பீரியட் படமும் இதுதான். இப்படம் 17ம் நூற்றாண்டு காலக்கட்டத்தில் நடக்கும் ஆக்ஷன்- அட்வென்ச்சர் படமாகும். ஒடுக்கப்பட்ட மற்றும் ஏழைகளுக்கு உதவுவதற்காக ஊழல் ஆட்சியாளர்களை எதிர்த்துப் போராடும் புகழ்பெற்ற ஹரி ஹர வீர மல்லுவின் கதை.

பவன் கல்யாணுடன் பாலிவுட் நடிகர் பாபி தியோல் முகலாய பேரரசராகவும், நிதி அகர்வால் கதாநாயகியாகவும் நடிக்கின்றனர். நாசர், ரகு பாபு, சுனில் மற்றும் நோரா பதேஹி ஆகியோர் முக்கிய கதாபாத்திரங்களில் நடிக்கின்றனர். கீரவாணி இசை அமைக்கிறார், மனோஜ் பரமஹம்சா ஒளிப்பதிவு செய்கிறார். தெலுங்கு, தமிழ், மலையாளம், ஹிந்தி மற்றும் கன்னடத்தில் இந்தப் படம் அடுத்த ஆண்டு மார்ச் 28ல் வெளியாகிறது.

Directorjyothikrishna

pawankalyan

hariharaveeramallu

கருத்துகள் (0) கருத்தைப் பதிவு செய்ய

மம்முட்டிக்கும் திலகனுக்கும் இடையே ...

சுரேஷ் கோபி மகனுக்கு சண்டை ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய