Dinamalar

பெண் இயக்குனரை மட்டமாக நடத்திய சண்டக்கோழி வில்லன்

சமீபத்தில் கேரளாவில் நீதிபதி ஹேமா கமிஷன் அறிக்கை வெளியானதை தொடர்ந்து மலையாள திரையுலகில் பெண்களுக்கு குறிப்பாக நடிகைகளுக்கு பாலியல் ரீதியான தொந்தரவுகள் அதிகம் இருப்பது உறுதிப்படுத்தப்பட்டுள்ளது. மேலும் பல நடிகைகள் பிரபல நடிகர்கள், இயக்குனர்கள் மீது பாலியல் ரீதியான குற்றச்சாட்டுகளை தொடர்ந்து முன்வைத்து வருவதால் மலையாள திரையுலகமே கலகலத்து கிடக்கிறது. வாய்ப்புக்காக சமரசம் செய்து கொண்டு செல்ல வேண்டிய நிர்ப்பந்தம் ஒரு பக்கம் என்றால் தங்களது திறமையால் வாய்ப்பு பெற்ற பெண்கள் சீனியர்கள் என்கிற கோதாவில் இருக்கும் ஆண்களால் ரொம்பவே மட்டமாக நடத்தப்படுகின்றனர் என்கிற குற்றச்சாட்டும் இன்னொரு பக்கம் எழுந்துள்ளது.

பெண் இயக்குனர் ரேவதி வர்மா இதை தான் அனுபவப்பூர்வமாக சந்தித்ததாக சமீபத்திய பேட்டி ஒன்று தனது குமுறலை வெளிப்படுத்தியுள்ளார். கடந்த 2006ல் ஜோதிகா, குஷ்பூ, சரிதா நடிப்பில் தமிழில் வெளியான ‛ஜூன் ஆர்' என்கிற படத்தின் மூலம் இயக்குனராக அறிமுகமானார் ரேவதி வர்மா. 2013ல் மலையாளத்தில் வெளியான ‛மேட் டாட்' என்கிற படத்தை இயக்கினார்.

இந்த படத்தில் கதையின் நாயகனாக முக்கிய கதாபாத்திரத்தில் சண்டக்கோழி புகழ் வில்லன் நடிகர் லால் நடித்திருந்தார். அவரது நடிப்புத் திறமைக்காகவே இந்த கதாபாத்திரத்தில் அவரை நடிக்க ஒப்பந்தம் செய்ததாகவும் ஆனால் படப்பிடிப்பு தளத்தில் ஒரு பெண் என்பதாலேயே தன்னை அவர் மிகவும் மட்டமாக நடத்தியதாகவும் கூறியுள்ளார் ரேவதி வர்மா.

“குறிப்பாக ஒரு பெண் இயக்குனர் ஸ்டார்ட், ஆக்சன், கட் என்று குரலை உயர்த்தி பேசுவதை கூட பெண்களை அடக்கி வைத்தே பழக்கப்பட்டு விட்ட சமூகத்திலிருந்து வந்த நடிகர் லால் போன்ற ஆண் வர்க்கத்தினர் சிலர் விரும்புவதில்லை. அந்த படப்பிடிப்பு தளத்தில் என்னுடைய டைரக்ஷனில் நடிப்பது பற்றி அவர் பலரிடமும் கிண்டலாகவும் மட்டமாகவும் விமர்சித்து கூறிய வார்த்தைகள் என் மனதில் ஆறாத காயத்தை ஏற்படுத்தி விட்டன” என்று கூறியுள்ளார்.

• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்

• 
  கேரள அரசு விருதை கட்டி அணைத்தபடி தூங்கிய பிரேமலு நடிகர் : வைரலாகும் ...
• 
  நள்ளிரவில் போன் செய்து கஞ்சா கேட்டார் : மஞ்சும்மேல் பாய்ஸ் நடிகர் மீது ...
• 
  இன்ஸ்டாகிராம் மட்டுமல்ல போன் நம்பரையும் ஹேக் செய்து விட்டார்கள் ; நடிகை ...
• 
  மோகன்லால் மகனின் காதல் கல்யாணியுடன் அல்ல ; பிரபல தயாரிப்பாளர் வெளியிட்ட ...
• 
  நள்ளிரவில் கேரள போலீசாரிடம் ஹோட்டலில் இருந்து குதித்து தப்பிய வில்லன் ...