Dinamalar

சுதீப்புக்கு மிரட்டல் விடுத்த நண்பர் கைது

விரைவில் கர்நாடகாவில் சட்டசபை தேர்தல் நடைபெற உள்ள நிலையில், கடந்த மாதம் நடிகர் கிச்சா சுதீப், பா.ஜ.,வை சேர்ந்த தற்போதைய கர்நாடக முதல்வர் பசவராஜ் பொம்மைக்கு ஆதரவாக இந்த தேர்தலில் பிரசாரம் செய்வேன் என்று அறிவித்தார். இதை தொடர்ந்து அவருக்கு அரசியல் கட்சிகளிடம் இருந்து எதிர்ப்புகள் கிளம்பின. அதுமட்டுமல்ல இப்படி பா.ஜ.,வுக்கு ஆதரவாக பிரசாரம் செய்ய நினைத்தால் உங்களது பர்சனல் வீடியோக்களை வெளியிட்டு விடுவேன் என்று மர்ம நபர் ஒருவர் மிரட்டல் கடிதம் ஒன்றையும் அனுப்பி இருந்தார்.

அந்த சமயத்தில் அந்த கடிதம் குறித்து சுதீப் கூறும்போது, இது யாரோ அரசியல்வாதி செய்த வேலை அல்ல.. சினிமா துறையில் உள்ள ஒரு நபர் தான் இதை செய்திருக்கிறார். நேரம் வரும்போது அவரைப் பற்றி அறிவிப்பேன் என்று கூறியிருந்தார். இருந்தாலும் தயாரிப்பாளர் ஜாக் மஞ்சு என்பவர் சுதீப்பின் சார்பாக இந்த மிரட்டல் கடிதம் குறித்து போலீஸில் புகார் அளித்திருந்தார்.

இது குறித்து விசாரித்து வந்த போலீஸ் அதிகாரிகள் இந்த கடிதத்தின் பின்னணியில் கன்னட இயக்குனரும் சுதீப்பின் நண்பருமான ரமேஷ் கிட்டி என்பவர் இருப்பதை கண்டறிந்து தற்போது அவரை கைது செய்துள்ளனர். நீண்ட நாள் நண்பர் மட்டுமல்ல சுதீப்புடன் இணைந்து அவரது அறக்கட்டளையையும் நிர்வகித்து வருபவர். இந்த டிரஸ்ட் நிர்வாக கணக்குகளை நிர்வகிப்பது குறித்து, சுதீப் பற்றி ஏற்பட்ட தவறான புரிதலால் இதுபோன்று ஒரு மிரட்டலை அவர் விடுத்துள்ளார் என்பது போலீஸ் விசாரணையில் தெரிய வந்துள்ளது. சுதீப்பின் நண்பரே இதுபோன்ற செயலில் ஈடுபட்டுள்ளது கன்னட திரையரகை அதிர்ச்சிக்குள்ளாக்கியுள்ளது.

• 
  மும்பையில் உள்ள அபார்ட்மென்ட்டை குறைந்த லாபத்திற்கு விற்ற சோனு சூட்
• 
  குடும்பத்துடன் விநாயகர் சதுர்த்தி கொண்டாடிய சல்மான்கான்
• 
  காரில் கோளாறு: ஷாரூக்கான், தீபிகா படுகோனே மீது வழக்கு
• 
  எனது சொகுசு பங்களா வீடியோவை உடனே நீக்குங்கள்! - ஆலியா பட் வைத்த ஆவேச ...
• 
  புதுமுகங்கள் நடித்த 'மன்னு க்யா கரேகா' டிரைலர் வெளியீடு

• 
  பிரித்விராஜ் செய்யலாம்.. நான் செய்யக்கூடாதா? : மலையாள குணச்சித்திர நடிகர் ...
• 
  அங்கிளான என்னை அண்ணனாக மாற்றிவிட்டார் பஹத் பாசில் ; இயக்குனர் சத்யன் ...
• 
  விநாயகர் சதுர்த்தி கொண்டாட்டத்திற்காக தானாகவே விநாயகர் சிலையை ...
• 
  ஆஸ்கர் போட்டிக்கு தேர்வான மலையாள இயக்குனர் படம்
• 
  ‛வார் - 2' படம் தோல்வி அடைந்ததால் ஜூனியர் என்டிஆரின் அடுத்த படத்தை ...