இசையமைப்பாளருக்கு கேரள அரசு விருது : குஷி படக்குழு மகிழ்ச்சி

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

28 மே, 2022 - 01:14 IST

எழுத்தின் அளவு:

Khushi-movie-team-happy-about-Music-director-got-award

மகாநடி படத்தைத் தொடர்ந்து விஜய் தேவரகொண்டா, சமந்தா இருவரும் இணைந்து நடித்து வரும் படம் குஷி. இயக்குனர் சிவா நிர்வனா இந்த படத்தை இயக்கி வருகிறார். இந்த படத்திற்கு மலையாள திரையுலகைச் சேர்ந்த வளர்ந்து வரும் இசையமைப்பாளரான ஹேசம் அப்துல் வகாப் என்பவரை இசை அமைப்பாளராக ஒப்பந்தம் செய்தபோது பலரும் ஆச்சரியப்பட்டார்கள்.

இவர் இந்த வருடம் மோகன்லாலின் மகன் பிரணவ் நடிப்பில் வினித் சீனிவாசன் இயக்கத்தில் வெளியான ஹிருதயம் படத்தின் மூலமாக இசையமைப்பாளராக அறிமுகமானவர். அந்தப்படத்தில் சிறிதும் பெரிதுமாக இடம்பெற்ற 11 பாடல்களையும் ரசிகர்கள் மனதிற்கு பிடிக்கும்படியான வகையில் கொடுத்திருந்தார் ஹேசம் அப்துல் வகாப். குறிப்பாக ஒணக்க முந்தரி, தர்ஷனா ஆகிய பாடல்கள் மிகப்பெரிய அளவில் ஹிட்டாகின. அதிலும் தர்ஷனா என்கிற பாடல் யூ டியூபில் ஒரு மில்லியன் லைக்குகள் பெற்ற முதல் மலையாள பாடல் என்கிற சாதனையையும் செய்தது.

இந்த நிலையில் தற்போது அறிவிக்கப்பட்டுள்ள கேரள அரசு விருது பட்டியலில் சிறந்த இசை அமைப்பாளருக்கான விருது ஹிருதயம் படத்தில் இசை அமைத்ததற்காக ஹேசம் அப்துல் வகாப்புக்கு கிடைத்துள்ளது. இதைத்தொடர்ந்து குஷி பட குழுவினர் அவருக்கு வாழ்த்துக்களை தெரிவித்து தங்களது மகிழ்ச்சியை வெளிப்படுத்தி வருகின்றனர்.

Musicdirectorhesam

Khushimovie

Samantha

vijaydevarakonda

கருத்துகள் (0) கருத்தைப் பதிவு செய்ய

மலையாளத்தில் இன்று ஒரே நாளில் 2 ...

நடிகர் பாலாவின் முன்னாள் மனைவியுடன் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய