பாலியல் புகார் எதிரொலி ; ஜானி மாஸ்டரின் மனைவியும் கைதாகிறார் | வெங்கடேஷின் படப்பிடிப்பு தளத்திற்கு சர்ப்ரைஸ் விசிட் அடித்த பாலகிருஷ்ணா | நடிக்கவில்லை.. மகனாகவே வாழ்ந்தேன் ; கவியூர் பொன்னம்மா குறித்து மோகன்லால் உருக்கம் | தேவரா கூட்டணியில் துல்கர் சல்மான் ; பின்னணி இதுதான் | ஜெயிலர் விநாயகன் போல வேட்டையனால் வெளிச்சம் பெறுவாரா சாபுமோன் ? | துப்பாக்கி கனம் எப்படி இருக்கு?: சிவகார்த்திகேயன் சொன்ன பதில் | புதிய வெப் தொடரில் சமந்தா | ரஜினி இப்போதும் ஜொலிப்பதன் காரணம்: அமிதாப்பச்சன் உடைத்த ரகசியம் | என் அண்ணன் சூர்யா மிகப்பெரிய வில்லன்! - கார்த்தி வெளியிட்ட தகவல் | காலில் அறுவை சிகிச்சை செய்தபோதும் ரஜினியின் மனசிலாயோ பாடலுக்கு நடனமாடிய திவ்யதர்ஷினி! |
படம் : துாள்
வெளியான ஆண்டு : 2003
நடிகர்கள் : விக்ரம், ஜோதிகா, ரீமாசென், விவேக், சாயாஜி ஷிண்டே
இயக்கம் : தரணி
தயாரிப்பு : ஸ்ரீசூர்யா மூவீஸ்
தில் கொடுத்த வெற்றியால், துாள் எனக் களமிறங்கியது, நடிகர் விக்ரம் - இயக்குனர் தரணி கூட்டணி. ஆக் ஷன் - மசாலா படமான துாள், பட்டையை கிளப்பியது! கடந்த, 2003 பொங்கலுக்கு வெளியான துாள், 'ப்ளாக் பஸ்டர் ஹிட்' அடித்தது.
கிராமத்தில் இருக்கும் ரசாயன தொழிற்சாலையின் கழிவுகள், ஆற்றில் கலப்பதை தடுக்க வேண்டும் என்ற கோரிக்கையோடு விக்ரம், ஜோதிகா, பரவை முனியம்மா குழு, சென்னைக்கு சென்று அமைச்சர் சாயாஜி ஷிண்டேவை சந்திக்கிறது. அங்கு உள்ளூர் தாதாவான, தெலுங்கானா சகுந்தலாவுடன், விக்ரமுக்கு மோதல் ஏற்படுகிறது. தெலுங்கானா சகுந்தலாவின் பின்புலத்தில் இருப்பவர், சாயாஜி ஷிண்டே என தெரியவர, விக்ரம் எடுக்கும் புத்திசாலித்தனமான ஆக் ஷன் தான், துாள்.
ஆறுமுகம் கதாபாத்திரத்தில் முதலில் நடிக்கவிருந்தவர் விஜய். கால்ஷீட் பிரச்னை காரணமாக, அவரால் நடிக்க முடியவில்லை. அதன்பின் விக்ரம் நடித்தார். 'சொர்ணாக்கா' என்ற ரவுடியாக, தெலுங்கானா சகுந்தலா மிரட்டியிருந்தார். அதன்பின், சொர்ணாக்கா என்ற பெயர் தமிழகம் எங்கும் வெகு பிரபலமானது.
நாட்டுப்புற பாடகி பரவை முனியம்மா, இப்படத்தில் நடிகையாக அறிமுகமானார். சண்டை காட்சியுடன் அமைந்த, 'மதுரை வீரன் தானே...' பாடல் வெகுவாக ரசிக்கப்பட்டது. கவர்ச்சிக்கு ரீமாசென்; காமெடிக்கு விவேக் என உப்பு, காரம், மசாலா அனைத்தும் சரியான விகிதத்தில், இப்படத்தில் கலந்திருந்தது.
வித்யாசாகர் இசையில், அனைத்து பாடல்களும் தாளம் போட செய்தன. இப்படம் தெலுங்கு, சிங்களம், பஞ்சாபி, பெங்காலி மொழிகளில், 'ரீமேக்' செய்யப்பட்டது. மலையாளம் மற்றும் ஹிந்தியில், 'டப்பிங்' செய்து வெளியிடப்பட்டது.