Dinamalar

'பாய்காட் ராதே' : டுவிட்டரில் டிரெண்டிங்

பிரபுதேவா இயக்கத்தில் சல்மான் கான், திஷா பதானி மற்றும் பலர் நடித்த 'ராதே' படம் நேற்று டிஜிட்டல் தளங்களில் வெளியானது. ஒரு சாதாரண ஆக்ஷன் படத்தை மிக மோசமாக எடுத்திருக்கிறார்கள் என இப்படத்திற்கு விமர்சனங்கள் வந்துள்ளன.

இருந்தாலும் பல லட்சம் சல்மான் கான் ரசிகர்கள் நேற்று படத்தைப் பார்த்துள்ளதாகவும் தகவல் வெளியாகியுள்ளது. படத்தை பணம் செலுத்தித்தான் பார்க்க வேண்டும் என்பதால் அதன் மூலமே பல கோடி வசூலாகியிருக்கலாம் என்றும் பாலிவுட் தகவல்கள் தெரிவிக்கின்றன.

இதனிடையே தற்கொலை செய்து கொண்டு மறைந்த நடிகர் சுஷாந்த் சிங் ரசிகர்கள் படத்திற்கு எதிராக 'பாய்காட் ராதே' என டுவிட்டரில் டிரெண்டிங் செய்து வருகிறார்கள்.

கடந்த வருடம் சுஷாந்த் மறைந்த போதே பாலிவுட்டில் இருக்கும் 'நெப்போட்டிசம்' தான் அவரது தற்கொலைக்குக் காரணம் என பலரும் கருத்து தெரிவித்து வந்தார்கள். சல்மான் கான், ஆலியா பட், கரண் ஜோஹர் உள்ளிட்ட சிலர் மீது குற்றமும் சாட்டினார்கள்.

கடந்த வருடம் சல்மான் கான் படம் எதுவும் வெளிவராத காரணத்தால் அவர் படங்களுக்கு சுஷாந்த் ரசிகர்களால் எதிர்ப்பு தெரிவிக்க முடியவில்லை. எனவே, தற்போது 'ராதே' படத்திற்காக அவர்களது எதிர்ப்பைப் பதிவு செய்து வருகிறார்கள்.

• 
  ஒரே மாதத்தில் திரைக்கு வரும் கிர்த்தி ஷெட்டியின் மூன்று படங்கள்
• 
  100 பேர் வந்தாலும்....! பிரதீப் ரங்கநாதனின் 'டியூட்' படத்தின் டிரைலர் ...
• 
  இம்மாதத்தில் ஓடிடியில் வெளியாகும் 'லோகா, இட்லிகடை'
• 
  500 கோடி வசூலை நோக்கி 'காந்தாரா சாப்டர் 1'
• 
  அரசன் படத்தின் புதிய அப்டேட் : சுதீப் இணைய வாய்ப்பு

• 
  ஆனந்த்.எல்.ராய் இயக்கத்தில் இணையும் முன்னனி நடிகைகள்
• 
  60 கோடி செலுத்த ஷில்பா ஷெட்டி, ராஜ் குந்த்ராவுக்கு நீதிமன்றம் உத்தரவு
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...