Dinamalar

2021 - தமிழ் சினிமாவில் யார் டாப்...!

2021ம் ஆண்டில் தமிழ் சினிமா பல இன்னல்களை சந்தித்தாலும் ஒட்டு மொத்தமாக தியேட்டர்கள், டிவி, ஓடிடி என 185 படங்கள் வெளியாகி உள்ளன. இவற்றில் அதிக படங்களில் நடித்த நடிகர்கள், நடிகைகள், இசையமைப்பாளர்களை இங்கு பார்க்கலாம்.

நாயகன் - விஜய் சேதுபதி, சமுத்திரகனி.
சமுத்திரகனி, விஜய்சேதுபதி இருவரும் தலா 7 படங்களில் நடித்து 2021ல் அதிக படங்களில் நடித்தவர் ஆனார்கள்.
‛‛சங்கத்தலைவன், ஏலே, வெள்ளை யானை, விநோதயம் சித்தம், சித்திரை செவ்வானம், ரைட்டர், உடன்பிறப்பே'' என ஏழு படங்களில் சமுத்திரக்கனி நடித்திருந்தார்.
‛‛மாஸ்டர், குட்டி ஸ்டோரி, லாபம், துக்ளக் தர்பார், அனபெல் சேதுபதி, முகிழ், நவரசா போன்ற படங்களில் விஜய்சேதுபதி நடித்திருந்தார்.

நாயகி - பிரியா பவானி சங்கர், ரெஜினா
நாயகிகளில் பிரியா பவானி சங்கர், ரெஜினா ஆகியோர் தலா நான்கு படங்களில் நடித்துள்ளனர்.
‛‛களத்தில் சந்திப்போம், கசடதபள, ஓ மணப்பெண்ணே, பிளட்மணி என நான்கு படங்களில் ப்ரியா பவானி சங்கர் நடித்திருந்தார்.
ரெஜினா கசாண்ட்ரா, ‛சக்ரா, கசடதபற, முகிழ், நெஞ்சம் மறப்பதில்லை' போன்ற நான்கு படங்களில் நடித்திருந்தார்.

இசையமைப்பாளர்கள் - யுவன் ஷங்கர், சந்தோஷ் நாராயணன்
அதிக படங்களில் இசையமைத்தவர்களில் சந்தோஷ் நாராயணன், யுவன்சங்கர் ராஜா ஆகியோர் தலா ஏழு படங்களுக்கு இசையமைத்திருந்தனர்.

‛‛களத்தில் சந்திப்போம், சக்ரா, நெஞ்சம் மறப்பதில்லை, சுல்தான்(பின்னணி இசை), கதட தபற, டிக்கிலோனா, மாநாடு ஆகிய படங்களுக்கு யுவன் சங்கர் ராஜா இசையமைத்துள்ளார்.

‛‛பாரிஸ் ஜெயராஜ், கர்ணன், ஜெகமே தந்திரம், வெள்ளம் யானை, சார்பட்டா பரம்பரை, நவரசா, கசட தபற'' ஆகிய படங்களுக்கு சந்தோஷ் நாராயணன் இசையமைத்துள்ளார்.

காமெடியில் யோகி பாபு டாப்
காமெடியை பொருத்தமட்டில் நடிகர் யோகிபாபு அதிக படங்களில் நடித்துள்ளார். இவர் நடிப்பில் 2021ல் 15 படங்கள் வெளியாகி உள்ளன. இவற்றில் மண்டேலா, பேய் மாமாவில் ஹீரோவாகவும், 13 படங்களில் காமெடி வேடங்களிலும் நடித்துள்ளார்.

• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்து நடிகை
• 
  மாதுரி தீட்சித் உடன் நடனமாடியது பெருமை - வித்யாபாலன்
• 
  ''குற்ற உணர்வால் எடுத்த முடிவு.. 10 ஆண்டுகளே நடிப்பேன்'': அமீர்கான் ...
• 
  36 ஆண்டுகளை நிறைவு செய்த 'தேசாப்' : மகிழ்ச்சியில் மாதுரி தீட்சித்
• 
  நவ., 22ல் ரிலீஸாகும் மிருணாள் குல்கர்னியின் ‛தாய் ஆகர்'

• 
  மலையாள சினிமாவை ஆட்டம் காண வைத்த ஹேமா கமிஷன் : தீர்வை நோக்கிய மாற்றம் இனி ...
• 
  டாப் ஹீரோக்களின் 50வது படங்கள் - வெற்றியா? தோல்வியா !!
• 
  115க்கு 4 படங்களே வெற்றி : தமிழ் சினிமா 2024 - அரையாண்டு ரிப்போர்ட்
• 
  கோடையில் தாண்டிய 100 கோடி : 2024 மே மாத ரிலீஸ், ஓர் அலசல்
• 
  என்கிட்ட மோதாதே... நான் ராஜாதி ராஜனடா...!