Dinamalar

'பிளாக் விடோ', இந்தியாவில் செப்டம்பர் 3ல் ஓடிடி ரிலீஸ்

உலக அளவில் சினிமா ரசிகர்களிடம் பெரும் வரவேற்பைப் பெற்றவை மார்வெல் ஸ்டுடியோசின் 'அவஞ்சர்ஸ்' சீரிஸ் படங்கள். சூப்பர் ஹீரோக்களை உள்ளடக்கிய 'அவஞ்சர்ஸ்' குழுவில் 'பிளாக் விடோ' என்ற கதாபாத்திரமும் முக்கியமான ஒரு சூப்பர் ஹீரோயின் கதாபாத்திரம்.

'அவஞ்சர்ஸ்' சீரிஸ் படங்களில் 'தி அவஞ்சர்ஸ் (2012), 'தி அவஞ்சர்ஸ் - ஏஜ் ஆப் அல்ட்ரான் (2015), 'அவஞ்சர்ஸ் - இன்பினிட்டி வார் (2018), 'அவஞ்சர்ஸ் - என்ட்கேம்' ஆகிய படங்கள் வெளிவந்துள்ளன. நான்கு 'அவஞ்சர்ஸ்' படங்களிலும் இடம் பெற்ற கதாபாத்திரம் 'பிளாக் விடோ'.

'அவஞ்சர்ஸ்' குழுவில் இருக்கும் 6 முக்கிய கதாபாத்திரங்களுக்கு தனித் தனியாக அவர்களைப் பற்றிய தனித் திரைப்படங்கள் ஏற்கெனெவே வெளிவந்துள்ளன. அவர்களில் 'ஹாக் ஐ' கதாபாத்திரத்திற்கு மட்டும் திரைப்படம் வரவில்லை, ஆனாலும், வெப் சீரிஸ் விரைவில் வெளிவர உள்ளது.

'பிளாக் விடோ' கதாபாத்திரத்திற்கான தனித் திரைப்படமான 'பிளாக் விடோ' லண்டன், லாஸ் ஏஞ்சல்ஸ், மெல்போர்ன், நியூயார்க் ஆகிய ஊர்களில் பிரீமியர் காட்சியாக மட்டும் திரையிடப்பட்டது. உலக அளவிலும், அமெரிக்காவிலும் ஜுலை 9ம் தேதி தியேட்டர்களிலும், சில குறிப்பிட்ட நாடுகளில் ஓடிடி தளங்களிலும் ஒரே நாளில் வெளியானது.

இப்போது இந்தியா உள்ளிட்ட சில நாடுகளில் தியேட்டர்கள் வெளியீட்டைத் தவிர்த்து, ஓடிடி தளங்களில் படத்தை செப்டம்பர் 3ம் தேதி வெளியிட உள்ளதாக அதிகாரப்பூர்வமாக அறிவித்துள்ளார்கள்.

இந்தியாவில், டிஸ்னி பிளஸ் ஹாட்ஸ்டார் தளத்தில் ஆங்கிலம், ஹிந்தி, தமிழ், தெலுங்கு, மலையாளம், கன்னடம் ஆகிய மொழிகளில் வெளியாக உள்ளது. ஓடிடி வெளியீட்டிற்காக இந்த மொழிகளில் டிரைலர்களையும் வெளியிட்டுள்ளார்கள்.

இந்த அறிவிப்பு 'அவஞ்சர்ஸ்' பட ரசிகர்களை மகிழ்ச்சியில் ஆழ்த்தியுள்ளது.

• 
  ஜான்வி கபூரின் ‛பரம் சுந்தரி' ரிலீஸ் தேதி அறிவிப்பு
• 
  கதை சர்ச்சையில் சிக்கிய ஸ்ரீலீலாவின் ஆஷிகி 3
• 
  ஆக., 1ல் யு-டியூபில் “சித்தாரே ஜமீன் பர்” : யு-டியூபில் படத்தை வெளியிடுவது ...
• 
  படத்தின் பட்ஜெட் தொகையை இசை உரிமை விற்றதில் திரும்பப் பெற்ற 'சாயரா'
• 
  சினிமாவில் இது தான் எதார்த்தம் : திரிப்தி டிமிரி

• 
  நடிகை ராதிகாவுக்கு டெங்கு : மருத்துவமனையில் அனுமதி
• 
  மோசடி வழக்கு : காமெடி நடிகர் சீனிவாசன் கைது
• 
  பிரபாஸ் படப்பிடிப்பு தளத்திற்கு விசிட் அடித்த பூரி ஜெகன்நாத், சார்மி ...
• 
  தனுஷ் நடிக்கும் 54வது படத்தின் படப்பிடிப்பு தொடங்கியது
• 
  மாதம்பட்டி ரங்கராஜ் உடனான திருமணம் : கணவன், மனைவியாக பயணத்தை துவங்கியதாக ...