Dinamalar

ஆயுத பூஜை விடுமுறையில் வெளியாகும் காத்து வாக்குல ரெண்டு காதல்

'தானா சேர்ந்த கூட்டம்' படத்துக்கு பின்னர் 'பாவகதைகள்' என்ற ஆந்தாலஜி படத்தில் பணியாற்றிய விக்னேஷ் சிவன், தற்போது காத்து வாக்குல ரெண்டு காதல் படத்தை இயக்குகிறார். இந்தப் படத்தில் நாயகனாக விஜய் சேதுபதி நடிக்கிறார். அவருடன் சமந்தா, நயன்தாரா இருவரும் நடிக்கின்றனர். நானும் ரவுடிதான் படத்துக்குப் பின்னர் விக்னேஷ் சிவன் - விஜய் சேதுபதி - நயன்தாரா இணையும் இரண்டாவது படமாக இந்தப் படம் அமைந்திருக்கிறது. இந்தப் படத்துக்கு அனிருத் இசையமைத்து வருகிறார்.

2020-ம் ஆண்டு டிசம்பர் 10-ம் தேதி ஐதராபாத்தில் இந்தப் படத்தின் படப்பிடிப்பு தொடங்கியது. இரண்டு கட்ட படப்பிடிப்பு நிறைவடைந்திருப்பதாக விக்னேஷ் சிவன் கூறியிருந்தார். இந்த படத்திலிருந்து வெளியான முதல் பாடலுக்கு நல்ல வரவேற்பு கிடைத்தது. தற்போது படத்தின் இரண்டாம் பாடலை படக்குழு விரைவில் வெளியிட இருப்பதாகக் கூறப்படுகிறது. மேலும் படத்தை முடிப்பதற்கு இன்னும் சில காட்சிகளே படமாக்கப்பட வேண்டி இருப்பதாகவும் கூறப்படுகிறது. இந்தப் படத்தை அக்டோபர் மாதம் வெளியிட படக்குழு முடிவு செய்துள்ளனர். அக்டோபர் மாதத்தில் ஆயுத பூஜை விடுமுறையின் போது படத்தை வெளியிட திட்டமிட்டு படத்தின் பணிகளை வேகப்படுத்தி உள்ளனர்.

• 
  வாடகை வீட்டில் வசிப்பது ஏன் ? பாலிவுட் நடிகர் அனுபம் கெர் ஆச்சரிய விளக்கம்
• 
  வார்-2வில் ஹிருத்திக் ரோஷனை விட அதிக சம்பளம் யாருக்குத் தெரியுமா?
• 
  வார் 2 படத்திற்காக மீண்டும் சிக்ஸ்பேக்கிற்கு மாறிய ஜூனியர் என்டிஆர்
• 
  250 கோடி வசூலைக் கடந்த 'சாயரா'
• 
  வார் 2 டிரைலர் : 24 மணி நேரத்தில் 50 மில்லியன் பார்வைகள்

• 
  மதராஸி ‛கம்பேக்' கொடுக்கும் படமாக இருக்கும் என்கிறார் ஏ.ஆர்.முருகதாஸ்
• 
  'ஏஸ்' தோல்வியிலிருந்து ஏறி வந்த விஜய் சேதுபதி
• 
  ரசிகர்களை அதிர்ச்சியடைய வைத்த மாதம்பட்டி ரங்கராஜ் இரண்டாவது திருமணம்
• 
  அஜித்தை வைத்து ஆக்ஷன் படம் இயக்க லோகேஷ் கனகராஜ் ஆசை
• 
  ராஷ்மிகாவின் மைசா படப்பிடிப்பு பூஜையுடன் தொடங்கியது