ராஜமவுலியின் ஆர்ஆர்ஆர் படப்பிடிப்பும் நிறுத்தம்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

ராஜமவுலியின் 'ஆர்ஆர்ஆர்' படப்பிடிப்பும் நிறுத்தம்

21 ஏப், 2021 - 11:20 IST

எழுத்தின் அளவு:

கொரோனா பரவல் காரணமாக பல பெரிய படங்களின் படப்பிடிப்புகள் அடுத்தடுத்து நிறுத்தப்பட்டு வருகின்றன. தென்னிந்தியத் திரையுலகத்தின் முக்கிய படப்பிடிப்பு நகரமாக ஐதராபாத் நகரம் இருந்து வருகிறது. அங்கு தமிழ், கன்னடப் படங்களின் படப்பிடிப்புகளும் அதிகம் நடக்கும்.

கொரோனா பரவல் காரணமாக 50 பேர் மட்டுமே படப்பிடிப்பில் கலந்து கொள்ள வேண்டும் என தெலுங்கு பிலிம் சேம்பர் ஆப் காமர்ஸ் அறிவித்துள்ளது. அதோடு கொரோனா பரவல் பயம் காரணமாக மகேஷ்பாபு நடித்து வந்த 'சர்க்காரு வாரி பாட்டா', சிரஞ்சீவி நடித்து வந்த 'ஆச்சார்யா' ஆகிய படங்களின் படப்பிடிப்புகள் நிறுத்தப்பட்டது. தற்போது ராஜமவுலி இயக்கி வரும் பிரம்மாண்டப் படைப்பான 'ஆர்ஆர்ஆர்' படப்பிடிப்பும் நிறுத்தப்பட்டுள்ளது.

ஐதராபாத்தில் ரஜினிகாந்த் நடிக்கும் 'அண்ணாத்த' படப்பிடிப்பும் இரண்டு வாரங்களுக்கு முன்பு மீண்டும் ஆரம்பமாகி நடந்து வந்தது. அப்படப்பிடிப்பு நிறுத்தப்பட்டதா, தொடர்ந்து நடைபெறுகிறதா என படக்குழு தரப்பில் எதுவும் தெரிவிக்கப்படவில்லை.

ஜார்ஜியா நாட்டில் நடைபெற்று வரும் விஜய் படத்தின் படப்பிடிப்புக் குழுவினர் இருவருக்கும் கொரானோ தொற்று ஏற்பட்டுள்ளதாகத் தகவல் வெளியாகி உள்ளது. அவர்களைத் தனிமைப்படுத்திவிட்டு தொடர்ந்து படப்பிடிப்பை நடத்தி வருகிறார்களாம்.

கடந்த ஆண்டைக் காட்டிலும் இந்த ஆண்டு கொரோனா பரவல் வேகம் என்பதால் சினிமா படப்பிடிப்புகள் விரைவில் முழுவதுமாக நிறுத்தப்படவே வாய்ப்புகள் அதிகம் என திரையுலகத்தில் தெரிவிக்கிறார்கள்.

RRR

SSRajamouli

Ramcharanteja

JuniorNTR

கருத்துகள் (0) கருத்தைப் பதிவு செய்ய

தினசரி 2 காட்சிகள் மட்டுமே... 3 எப்படி ...

காதலர், பூனைகுட்டியுடன் லாக்டவுனை ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய