Dinamalar

'ஆர்ஆர்ஆர்' டிரைலரை முந்திய 'ஹிட் 3'

சைலேஷ் கொலனு இயக்கத்தில் நானி, ஸ்ரீநிதி ஷெட்டி மற்றும் பலர் நடிப்பில் மே 1ம் தேதி வெளியாக உள்ள தெலுங்கு திரைப்படம் 'ஹிட் - த தேர்ட் கேஸ்'.

2020ல் விஷ்வக் சென் நடித்து வெளிவந்த 'ஹிட் - த பர்ஸ்ட் கேஸ்' திரைப்படம் பெரும் வரவேற்பைப் பெற்றது. ஓடிடி தளத்தில் வெளியான பின்பு மற்ற மொழி ரசிகர்களையும் அப்படம் வெகுவாகக் கவர்ந்தது. அதற்கடுத்து 2022ல் அடிவி சேஷ் நடித்த 'ஹிட் - த செகண்ட் கேஸ்' படம் வெளியாகி அந்தப் படமும் வெற்றி பெற்றது.

தற்போது வெளியாக உள்ள 'ஹிட் 3' படத்தில் நானி கதாநாயகனாக நடித்துள்ளார். இதன் டிரைலர் இரண்டு தினங்களுக்கு முன்பு யூடியூப் தளத்தில் வெளியானது. வெளியான 24 மணி நேரத்தில் 21.3 மில்லியன் பார்வைகளைக் கடந்து பெரும் வரவேற்பைப் பெற்றுள்ளது.

ராஜமவுலி இயக்கத்தில் ஜுனியர் என்டிஆர், ராம் சரண் நடித்து வெளிவந்த 'ஆர்ஆர்ஆர்' டிரைலர் 24 மணி நேரத்தில் பெற்ற 20.4 மில்லியன் பார்வைகளைக் கடந்து 'ஹிட் 3' சாதனை புரிந்துள்ளதை தெலுங்கு ரசிகர்கள் ஆச்சரியத்துடன் பார்க்கிறார்கள். 'சலார்', 'பாகுபலி 2' டிரைலர்களின் 24 மணி நேர பார்வைகளுக்கும், 'ஹிட் 3' பார்வைகளுக்கும் சில லட்சம் பார்வைகள் மட்டுமே வித்தியாசம் என்பதும் குறிப்பிட வேண்டிய ஒன்று.

மே 1ம் தேதி வெளியாக உள்ள இந்தப் படத்தால் சூர்யாவின் 'ரெட்ரோ' படத்திற்கு தெலுங்கில் கடுமையான போட்டி இருக்கும் என்று எதிர்பார்க்கப்படுகிறது.

• செய்திகள்
• ஆல்பம்
• வந்த படங்கள்

• 
  இந்த 3 விஷயங்களும் முக்கியமானவை : தீபிகா படுகோனே
• 
  தனுஷின் தேரே இஷ்க் மெயின் டிரைலர் வெளியீடு : வரவேற்பு எப்படி
• 
  பாலிவுட்டின் மூத்த நடிகை காமினி கவுசல் காலமானார்
• 
  அனிமேஷன் கேரக்டருக்கு குரல் கொடுத்தது சுவாரஸ்யம் : ஷ்ரத்தா கபூர்
• 
  பின்வாங்கிய ராஜ்குமார் ஹிரானி, அமீர் கான் : அப்போ ராஜமவுலிக்கு வெற்றியா?

• 
  'ஸ்பிரிட்' படத்தில் சிரஞ்சீவி? சந்தீப் ரெட்டி வங்காவின் பதில் இதோ!
• 
  கமல், ரஜினி இணையும் படம்: டிசம்பர் 12ல் அறிவிக்கப்படுமா?
• 
  எனக்கு கடவுள் நம்பிக்கை இல்லை: ராஜமவுலி பேச்சால் புது சர்ச்சை
• 
  கதைநாயகன் ஆனார் மொட்டை ராஜேந்திரன்: தனது பிடிவாதத்தை தளர்ப்பாரா?
• 
  எங்கள் மண வாழ்க்கை ரகசியம் - 'சரிம்மா, சாரிம்மா': நடிகை ரோஜா