ஓடிடி தளங்களுக்கு மீண்டும் புதிய படங்கள் போகுமா ?

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

ஓடிடி தளங்களுக்கு மீண்டும் புதிய படங்கள் போகுமா ?

08 ஏப், 2021 - 04:16 IST

எழுத்தின் அளவு:

ஒரு வருடத்திற்கு முன்பு நாம் எப்படியான ஒரு மனநிலையில் இருந்தோமோ அதே போன்றதொரு நிலை தற்போது ஏற்பட்டுள்ளது. கொரோனா தாக்கம் தற்போது அதிகமாகி மக்களிடையே பரபரப்பை ஏற்படுத்தியுள்ளது. கொரோனா தொற்றிற்குப் பிறகு மற்ற தொழில்கள் ஓரளவிற்கு சமாளித்துக் கொண்டாலும், சினிமா துறை மட்டுமே மீண்டும் மீண்டு வராமல் தடுமாறிக் கொண்டிருந்தது.

தற்போது மீண்டும் ஒரு தள்ளாட்டத்திற்கு வந்துவிட்டது. நாளை மறுநாள் ஏப்ரல் 10ம் தேதி முதல் தியேட்டர்களில் 50 சதவீத இருக்கைகளுக்கு மட்டுமே அனுமதி என்று அரசு உத்தரவிட்டுள்ளது. அடுத்த மாதம் புதிய அரசு பதவி ஏற்றால் இந்த உத்தரவில் மாற்றம் வருமா என்பதும் தெரியாது. அதற்குள் கொரோனா கட்டுப்படுத்தப்படுமா என்பதும் தெரியாது. கடந்த வருடத்தைப் போலவே சில பல மாதங்கள் நீடித்தால் அது சினிமா தொழிலுக்கு மிகப் பெரும் பாதிப்பை ஏற்படுத்தும்.

50 சதவீத இருக்கைகள் தான் என்பதால் சிறிய படங்களின் வெளியீடும், அதற்கான வசூலும் பாதிக்கப்படலாம். முன்னணி நடிகர்களின் படங்கள் மட்டுமே ஓரளவிற்கு சமாளிக்கும். அதன் காரணமாக மீண்டும் ஓடிடி தளங்களில் புதிய படங்களின் வெளியீடு வருமா என்ற கேள்வியும் தற்போது எழுந்துள்ளது. சில நாட்களுக்கு முன்பு கூட யோகிபாபு நடித்த புதிய படமான 'மண்டேலா' நேரடி டிவி வெளியீடு, அடுத்த நாளே ஓடிடி வெளியீடு என போட்ட முதலீட்டைத் திரும்ப எடுத்துக் கொண்டது.

அது போல தங்கள் முதலீட்டையும் எடுக்க வேண்டும் என நினைக்கும் தயாரிப்பாளர்கள் ஓடிடி பக்கம் திரும்பினால் ஆச்சரியப்படுவதற்கில்லை.

OTT

TNLockdown

Tamilcinema

கருத்துகள் (0) கருத்தைப் பதிவு செய்ய

'மாஸ்டர்' ராசி 'கர்ணன்' ...

'பின்க், நேர்கொண்ட பார்வை' ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய