பாலியல் புகார் எதிரொலி ; ஜானி மாஸ்டரின் மனைவியும் கைதாகிறார் | வெங்கடேஷின் படப்பிடிப்பு தளத்திற்கு சர்ப்ரைஸ் விசிட் அடித்த பாலகிருஷ்ணா | நடிக்கவில்லை.. மகனாகவே வாழ்ந்தேன் ; கவியூர் பொன்னம்மா குறித்து மோகன்லால் உருக்கம் | தேவரா கூட்டணியில் துல்கர் சல்மான் ; பின்னணி இதுதான் | ஜெயிலர் விநாயகன் போல வேட்டையனால் வெளிச்சம் பெறுவாரா சாபுமோன் ? | துப்பாக்கி கனம் எப்படி இருக்கு?: சிவகார்த்திகேயன் சொன்ன பதில் | புதிய வெப் தொடரில் சமந்தா | ரஜினி இப்போதும் ஜொலிப்பதன் காரணம்: அமிதாப்பச்சன் உடைத்த ரகசியம் | என் அண்ணன் சூர்யா மிகப்பெரிய வில்லன்! - கார்த்தி வெளியிட்ட தகவல் | காலில் அறுவை சிகிச்சை செய்தபோதும் ரஜினியின் மனசிலாயோ பாடலுக்கு நடனமாடிய திவ்யதர்ஷினி! |
மறைந்த முதல்வர் ஜெயலலிதாவின் வாழ்க்கையை ‛தலைவி' என்ற பெயரில் படமாக எடுத்துள்ளார் இயக்குனர் விஜய். ஜெ., வேடத்தில் கங்கனாவும், எம்.ஜி.ஆராக அரவிந்தசாமியும் நடித்துள்ளனர். இதன் டிரைலர் வெளியாகி டுவிட்டரில் டிரெண்ட் ஆனது. ஜெயலலிதாவின் 30 ஆண்டுகால வாழ்வின் தடங்களை ஒரு நடிகையாக, அரசியலில் அவர் உச்சம் தொட்டது, அதன் பின்னணியில் அவர் சந்தித்த போராட்டங்களை சொல்லும் விதமாக இப்படம் உருவாகி உள்ளது.
தமிழ், தெலுங்கு, ஹிந்தி மொழிகளில் வெளியிடப்பட்டுள்ள இந்த டிரைலருக்கு தமிழை விட ஹிந்தியில் அதிக வரவேற்பு கிடைத்துள்ளது. தமிழில் 3.03 நிமிடங்கள் ஓடும் இந்த டிரைலரில் சினிமாவில் ஜெயலலிதா உச்ச நட்சத்திரமாக மாறியது, எம்.ஜி.ஆர்., அவரை அரசியலுக்கு அழைத்து, அவரையே அரசியல் வாரிசாக கொண்டு வர நினைத்தது, அதற்கு பின்னால் அவர் சந்தித்த அரசியல் போராட்டங்கள் அனைத்தையும் பேசும்படி காட்சிகள் உள்ளன.
டிரைலரிலேயே ஜெயலலிதாவாக கங்கனா மிரட்டி உள்ளார். குறிப்பாக டிரைலரில் வரும், ‛‛மகாபாரதத்திற்கு இன்னொரு பெயர் ஜெயா, நீ மக்களை விரும்பினால் மக்கள் உன்னை விரும்புவார்கள் அது தான் அரசியல், என்னை அம்மாவாக பார்த்தீர்கள் என்றால் என் இதயத்தில் இடமிருக்கும், என்னை வெறும் பொம்பளையா பார்த்தீங்கனா...'' போன்ற வசனங்கள் பட்டையை கிளப்பி உள்ளன. அதோடு சட்டசபை வளாகத்தில் ஜெயலலிதாவை மிகவும் கீழ்த்தரமாக நடத்திய காட்சிகள், எம்ஜிஆர்., இறந்த சமயத்தில் அவரை கீழே தள்ளிய காட்சிகள் இந்த டிரைலரில் இடம் பெற்றுள்ளன.
அதேசமயம் தமிழ் டிரைலரில் இடம்பெறாத சில காட்சிகள் ஹிந்தி டிரைலரில் இடம் பெற்றுள்ளன. அவை இதில் இடம் பெற்று இருந்தால் நிச்சயம் அரசியல் வட்டாரத்தில் சலசலப்பை ஏற்படுத்தும். தற்போது தேர்தல் நேரம் என்பதால் இந்தப் படத்தின் டிரைலர் பரபரப்பை ஏற்படுத்த வாய்ப்பு உள்ளது.