ஆலம்பனாவில் பூதமாக நடிக்கும் முனீஷ்காந்த்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

ஆலம்பனாவில் பூதமாக நடிக்கும் முனீஷ்காந்த்

13 மார், 2021 - 01:45 IST

எழுத்தின் அளவு:

புகழ்பெற்ற அராபிய கதையான அலாவுதீனும் அற்புத விளக்கும் கதை, உலக மொழிகள் அனைத்திலும் சினிமாவாகி இருக்கிறது. அதை தழுவியும், அலாவுதீன் அற்புத விளக்கை மட்டும் மையமாக வைத்தும் பல படங்கள் உருவாகி உள்ளது. தமிழில் உருவான பட்டினத்தில் பூதம் படத்தில் அசோகன் பூதமாக நடித்திருந்தார்.

தற்போது இதே பாணியில் உருவாகும் படம் தான் ஆலம்பனா. பூதம் அடிக்கடி உச்சரிக்கும் வார்த்தை இது. எஜமானரே என்று பொருள். இதனை பாரி.கே.விஜய் இயக்கி உள்ளார். கே.ஜே.ஆர் ஸ்டுடியோஸ் நிறுவனமும், சந்துருவும் இணைந்து தயாரித்து வருகிறார்கள்.

இதில் பூதத்தின் எஜமான் அலாவுதீனாக வைபவும், பூதமாக முனீஷ்காந்தும் நடிக்கிறார்கள். இவர்கள் தவிர பார்வதி நாயர், திண்டுக்கல் லியோனி, காளி வெங்கட், ஆனந்த்ராஜ், முரளிசர்மா, கபீர் சிங் உள்ளிட்ட பலர் நடித்துள்ளனர். ஹிப் ஆப் தமிழா ஆதி இசை அமைக்கிறார். வினோத் ரத்தினசாமி ஒளிப்பதிவு செய்துள்ளார்.

இந்தப் படத்தின் படப்பிடிப்பு முடிவடைந்து கிராபிக்ஸ் பணிகள் நடைபெற்று வருகின்றன. தற்போது படத்தின் பர்ஸ்ட் லுக் போஸ்டரை வெளியிட்டுள்ளனர். அடுத்த மாதம் படத்தை வெளியிட திட்டமிட்டிருக்கிறார்கள்.

munishkanth

Alampana

கருத்துகள் (0) கருத்தைப் பதிவு செய்ய

தமிழ் கன்னடத்தில் உருவான ரீவைண்ட்

ஏப்ரல் 16ல் ஏ.ஆர்.ரஹ்மான் படம் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய