Dinamalar

ஆதிபுருஷ் - சீதாவாக கீர்த்தி சுரேஷ் ?

ஓம் ராவத் இயக்கத்தில் பிரபாஸ், சைப் அலிகான் மற்றும் பலர் நடிக்க பிரம்மாண்டமாக உருவாக உள்ள படம் 'ஆதி புருஷ்'. ராமாயணத்தை மையமாகக் கொண்டு பல கோடி ரூபாய் செலவில் தயாராக உள்ள இப்படத்தில் ராமர் கதாபாத்திரத்தில் பிரபாஸ், ராவணன் கதாபாத்திரத்தில் சைப் அலிகான் நடிக்க உள்ளனர்.

சீதா கதாபாத்திரத்தில் நடிக்க பாலிவுட் நடிகைகளிடம் பேச்சுவார்த்தை நடந்து வந்தது. ஆனால், தற்போது அக்கதாபாத்திரத்தில் நடிக்க கீர்த்தி சுரேஷிடம் பேசி வருவதாக டோலிவுட்டில் ஒரு தகவல் வெளியாகி உள்ளது.

ரஜினிகாந்துடன் 'அண்ணாத்த', மகேஷ் பாபுவுடன் 'சர்க்காரு வாரி பாட்டா', செல்வராகவனுடன் 'சாணி காயிதம்' ஆகிய படங்களில் நடித்து வருகிறார் கீர்த்தி சுரேஷ்.

சீதாவாக நடிக்கும் வாய்ப்பு கீர்த்தி சுரேஷுக்குக் கிடைத்தால் அதன் மூலம் அவர் ஹிந்திக்குச் செல்லவும் வாய்ப்பாக அமையும். ஏற்கெனவே அஜய் தேவகன் நடிக்கும் 'மைதான்' படத்தில் கதாநாயகியாக நடிக்க வேண்டியவர் கீர்த்தி சுரேஷ். ஆனால், மிகவும் இளமையாக இருப்பதால் அக்கதாபாத்திரத்திற்கு அவர் பொருத்தமாக இருக்க மாட்டார் என்று அப்படத்திலிருந்து விலகினார்.

'ஆதி புருஷ்' படத்தில் கீர்த்தி நடிப்பாரா இல்லையா என்பது விரைவில் தெரிய வரும்.

• 
  ஆனந்த்.எல்.ராய் இயக்கத்தில் இணையும் முன்னனி நடிகைகள்
• 
  60 கோடி செலுத்த ஷில்பா ஷெட்டி, ராஜ் குந்த்ராவுக்கு நீதிமன்றம் உத்தரவு
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...

• 
  ஒரே மாதத்தில் திரைக்கு வரும் கிர்த்தி ஷெட்டியின் மூன்று படங்கள்
• 
  100 பேர் வந்தாலும்....! பிரதீப் ரங்கநாதனின் 'டியூட்' படத்தின் டிரைலர் ...
• 
  இம்மாதத்தில் ஓடிடியில் வெளியாகும் 'லோகா, இட்லிகடை'
• 
  500 கோடி வசூலை நோக்கி 'காந்தாரா சாப்டர் 1'
• 
  அரசன் படத்தின் புதிய அப்டேட் : சுதீப் இணைய வாய்ப்பு