Dinamalar

அதிக குறும்படங்களை இயக்கிய கவுதம் மேனன்

தமிழ் சினிமாவில் காதல் படங்களின் மூலம் தனக்கென ஒரு தனி அடையாளத்தை ஏற்படுத்தியவர் கவுதம் மேனன். அவர் இயக்கத்தில் கடைசியாக வெளிவந்த திரைப்படம் எனை நோக்கி பாயும் தோட்டா. அந்தப் படமே மிகவும் தாமதமாக வெளியாகியது.

அவர் இயக்கி வரும் துருவ நட்சத்திரம் ஆரம்பித்து சில பல வருடங்கள் ஓடிவிட்டது. அந்தப்படம் எப்போது வரும் என்று தெரியவில்லை. மற்றும் ஜோஷ்வா என்ற படத்தையும் கவுதம் இயக்கி வருகிறார். அவரது அடுத்த வெளியீடாக இந்தப் படம் வேண்டுமானால் வெளிவரலாம்.

தான் இயக்கும் திரைப்படங்கள் கால தாமதாவதைக் கருத்தில் கொண்டுதான் கவுதம் மேனன் குறும்பட இயக்குனராகிவிட்டார் போலிருக்கிறது. கடந்த வருடம் கொரானோ பாதிப்பு ஏற்பட்ட சமயத்தில் கடந்த மே மாதம் சிம்பு, த்ரிஷா நடித்த கார்த்திக் டயல் செய்த எண் என்ற குறும்படத்தை இயக்கி அதை யு டியூபில் வெளியிட்டார். நெகட்டிவ்வான விமர்சனங்கள் வந்தாலும் அந்தக் குறும்படத்திற்கு இதுவரையிலும் 78 லட்சத்திற்கும் அதிகமான பார்வைகள் கிடைத்துள்ளது.

அதற்கடுத்து ஓடிடி தளத்தில் வெளியான புத்தம் புது காலை என்ற ஆந்தாலஜி படத்தில் அவருடன் நானும் - அவளும் நானும் என்ற குறும்படத்தை இயக்கினார். அதற்குப் பிறகு ஓடிடி தளத்தில் வெளியான மற்றுமொரு ஆந்தாலஜி வகைப் படமான பாவக் கதைகள் படத்தில் வான்மகள் என்ற குறும்படத்தை இயக்கி நடித்தார்.

தற்போது தியேட்டர்களில் இந்த வாரம் 12ம் தேதி வெளியாக உள்ள குட்டி ஸ்டோரி ஆந்தாலஜி படத்தில் ஒரு குறும்படத்தை அவரே இயக்கி நடித்துள்ளார்.

தான் இயக்கி வரும் இரண்டு முழுநீளத் திரைப்படங்கள் வெளிவருவதற்கு முன்பே நான்கு குறும்படங்களை இயக்கி முடித்து அவற்றை வெளியிட்டும் விட்டார் கவுதம் மேனன். அந்த வேகம் அவரது திரைப்படங்களிலும் இருந்தால் நன்றாக இருக்கும் என அவரது ரசிகர்கள் ஆசைப்படுகிறார்கள்.

• 
  ஷாருக்கான் மகளுக்கு அம்மாவாக நடிக்கும் தீபிகா படுகோன்
• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து
• 
  பிரித்விராஜ்க்கு வருமான வரித்துறை நோட்டீஸ் ; எம்புரான் படம் காரணம் அல்ல
• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை

• 
  அஸ்வத் மாரிமுத்துவிற்கு விண்ணப்பித்த 15 ஆயிரம் உதவி இயக்குனர்கள்!
• 
  கவுதம் ராம் கார்த்திக் 19வது படத்தின் படப்பிடிப்பு துவங்கியது!
• 
  ''இப்போ ரிஸ்க் எடுக்கலைனா.. எப்பவும் இல்ல'': சினிமா என்ட்ரி குறித்து ...
• 
  த்ரிவிக்ரம் இயக்கத்தில் தனுஷ்?
• 
  குட் பேட் அக்லி - முன்பதிவு நிலவரம் என்ன?