Dinamalar

‛எக்ஸ்க்ளூசிவ்' போட்டும் இறங்கிப் போன 'வார் 2'

தியேட்டர்களைப் பிடிப்பதில் தமிழகத்தில் மட்டுமல்லாது, இந்தியா முழுவதுமே கடும் போட்டி இருக்கிறது. முன்னணி நடிகர்களின் படங்கள், பிரம்மாண்டப் படங்கள் வெளிவந்தால் மல்டிபிளக்ஸ் தியேட்டர்கள், நல்ல தியேட்டர்களை ஒப்பந்தம் செய்ய போட்டி ஏற்படுவது வழக்கம்.

கடந்த வாரம் தமிழில் 'கூலி', ஹிந்தியில் 'வார் 2' ஆகிய படங்கள் வெளிவந்தன. இவற்றில் 'கூலி' படத்தை 2டி வடிவில் மட்டுமே திரையிட முடிந்தது. 'வார் 2' தயாரிப்பு நிறுவனம் “ஐமேக்ஸ் 2டி, 4 டிஎக்ஸ், டால்பி சினிமா 2டி, ஐஸ்' ஆகியவை கொண்ட தியேட்டர்களை இரண்டு வாரங்களுக்கு எக்ஸ்க்ளூசிவ் ஒப்பந்தம் போட்டு 'கூலி' படத்தை அந்தத் தியேட்டர்களில் திரையிட சிக்கலை ஏற்படுத்தியது.

எதிர்பார்த்ததைப் போல 'வார் 2' படத்திற்கு வரவேற்பு இல்லாமல் போக 'கூலி' படத்திற்கு நல்ல வரவேற்பு கிடைத்தது. இன்று முதல் வார நாட்கள் ஆரம்பமாவதால் 'வார் 2' திரையிடப்பட்டுள்ள 'ஐமேக்ஸ் 2டி' உள்ளிட்ட மற்ற வடிவ தியேட்டர்களில் முன்பதிவு அப்படியே இறங்கிப் போய்விட்டது. இதனால், தொடர்ந்து அந்தத் தியேட்டர்களில் படத்தைத் திரையிட தியேட்டர்காரர்கள் முன் வருவார்களா என்பது சந்தேகம்தான்.

தான் மட்டுமே வசூலித்தால் போதும் என்று நினைத்த 'வார் 2' குழுவுக்கு வசூல் ஏமாற்றத்தையே தந்துள்ளது.

• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்
• 
  காதலில் கரைபவர் வெகு சிலரே : தனுஷின் ‛தேரே இஷ்க் மே' டீசர் வெளியீடு
• 
  அக்டோபர் 9ம் தேதி ஓடிடியில் வெளியாகும் வார்-2!
• 
  பாலிவுட்டில் அறிமுகமாகும் மீனாட்சி சவுத்ரி
• 
  ஹிந்தி பிக்பாஸ் சீசன் 19 நிகழ்ச்சியின் மீது 2 கோடி நஷ்ட ஈடு கேட்டு வழக்கு

• 
  ஒரு நாளைக்கு நான்கு மணி நேரம் மட்டுமே தூங்கும் அஜித்குமார்!
• 
  ராம்சரண் ஒரு உண்மையான ஜென்டில்மேன் என்கிறார் ஜான்வி கபூர்!
• 
  இட்லிகடை படத்தின் முதல் நாள் வசூல்? 100 கோடியை அள்ளுமா?
• 
  விஜயை கைது செய்யணுமா? நடிகர் பார்த்திபன் பதில் இதுதான்
• 
  டிச.,5ல் ரிலீசாகும் பாலகிருஷ்ணாவின் 'அகண்டா 2: தாண்டவம்'