Dinamalar

சிங்கிளாக வரும் கூலி : ஏ சர்ட்டிபிகேட் பாதிப்பை தருமா...?

ரஜினிகாந்த் நடித்த கூலி படம் நாளை மறுநாள் ரிலீஸ். தமிழகத்தில் முதற்காட்சி காலை 9 மணிக்கு தொடங்கும் என்று எதிர்பார்க்கப்படுகிறது. கடந்த சில வாரங்களாக ஒவ்வொரு வாரமும் 7க்கும் அதிகமான படங்கள், கடந்த வாரம் 10 படங்கள் வரை ரிலீஸான நிலையில், இந்த வாரம் ஒரு படம் கூட ரிலீஸ் ஆகவில்லை. ரஜினி டயலாக் பாணியில் சிங்கம் சிங்கிளாக வருகிறது.

தமிழகத்தில் உள்ள பெரும்பான்மையான தியேட்டர்களில் கூலி திரையிடப்படுகிறது. தமிழகத்தில் இப்போது அதிகாலை காட்சிக்கு அதாவது அதிகாலை 2 மணி, 3 மணி, 5 மணிக்கு திரையிடப்படும் சிறப்பு காட்சிக்கு அனுமதி இல்லை. சென்னையில் நடந்த அதிகாலை காட்சியில் ரசிகர் ஒருவர் மரணமடைந்ததை தொடர்ந்து இந்த நிலை. ஆனால், பெரிய நடிகரின் படங்கள் ரிலீஸ் ஆகும்போது, கூடுதலாக ஒரு காட்சிக்கு, அதாவது வழக்கமான 4 காட்சிக்கு பதிலாக 5 காட்சிக்கு சிறப்பு அனுமதியை அரசு அளிக்கும். கூலிக்கும் கூடுதல் காட்சிக்கு இன்று அல்லது நாளை அரசு அனுமதி அளிக்கும் என்று எதிர்பார்க்கப்படுகிறது.

இந்நிலையில், கூலி படம் ஏ சான்றிதழை பெற்று இருப்பதால் 18 வயதுக்கு குறைவானவர்கள் தியேட்டரில் படம் பார்க்க அனுமதிக்கப்படமாட்டார்கள். பலருக்கு இது புரிந்து இருந்தாலும், ஒரு சிலர் குடும்பத்துடன் படம் பார்க்க டிக்கெட் புக் பண்ணியிருக்கிறார்கள். அவர்கள் 18 வயதுக்கு குறைந்த குழந்தைகளுடன் படம் பார்க்க செல்லும்போது, குழந்தைகள் அனுமதிக்கப்படாத நிலையில், சில சிக்கல்கள் வரும் என்று தெரிகிறது.

18 வயதை தாண்டியவரா என்ற சந்தேகம் ஏற்பட்டால் ஆதார் அல்லது வேறு வயது சான்றிதழ் காண்பித்து தகுதியுள்ளவர்கள் படம் பார்க்க செல்லலாம். பொதுவாக, தன் படங்கள் ரிலீஸ் ஆகும்போது ரசிகர்களுடன் ரஜினிகாந்த் படம் பார்ப்பது இல்லை. அவருக்கு பதில் அவர் மனைவி லதா, பேரன்கள், மகள், குடும்பத்தினர் முதல் ஷோவை தியேட்டருக்கு சென்று பார்க்கிறார்கள். அந்தவகையில் நாளை மறுநாள் ரஜினி குடும்பத்தினர், இயக்குனர் படக்குழுவினர் முதல் ஷோவை தியேட்டருக்கு சென்று பார்க்கிறார்கள்.

தமிழகத்தில் 800க்கும் அதிகமான தியேட்டரில் கூலி வெளியாகலாம், வார் 2 என்ற ஹிந்தி படத்துக்கு 150 தியேட்டர்வரை கிடைக்கலாம். மீதி தியேட்டர்களில் தலைவன் தலைவி ஓடும் என எதிர்பார்க்கப்படுகிறது.

• 
  அவுட்டோர்களுக்கும் தலையணையுடன் பயணிக்கும் ஜான்வி கபூர்
• 
  ‛தி இன்டர்ன்' பட ரீமேக்கில் இருந்து விலகிய தீபிகா படுகோனே
• 
  காதல் கிசுகிசு எதிரொலி: கிரிக்கெட் வீரர் முகமது சிராஜிக்கு ராக்கி கட்டிய ...
• 
  ஜனநாயகன் படப்பிடிப்பு தளத்துக்கு திரண்ட ரசிகர்கள் : பாபி தியோல் ஆச்சரிய ...
• 
  சுதந்திர போராட்ட வீரர்களை போற்றும் 'பஹேலி கீத் 2' பாடல்: முகேஷ் கன்னா ...

• 
  ‛பல்டி'யில் கபடி வீரராக களமிறங்கிய சாந்தனு: முன்னோட்ட வீடியோ வெளியீடு
• 
  டாக்டராக நடிக்கும் கவுரி கிஷன் : மெடிக்கல் கிரைம் திரில்லராக உருவாகும் ...
• 
  ‛அம்மாவும் நீயே... அப்பாவும் நீயே...' என ஆரம்பித்து வைத்த ‛களத்தூர் ...
• 
  கல்யாணி சூப்பர் உமனாக நடிக்கும் ‛லோகா': ஓணம் பண்டிகைக்கு ரிலீசாகிறது
• 
  அமெரிக்க முன்பதிவில் 'கூலி' புதிய சாதனை