முதல் நாள் சாதனை வசூலை நோக்கி கூலி - Koolie on track for record first-day collection

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

முதல் நாள் சாதனை வசூலை நோக்கி 'கூலி'

11 ஆக, 2025 - 11:31 IST

எழுத்தின் அளவு:

Koolie-on-track-for-record-first-day-collection

தமிழ் சினிமாவில் முதல் நாளில் அதிக வசூலைக் குவித்த படமாக, லோகேஷ் கனகராஜ் இயக்கத்தில் விஜய் நடித்து 2023ல் வெளிவந்த 'லியோ' படம் சாதனையை வைத்துள்ளது. அப்படத்தின் முதல் நாள் வசூல் 148.5 கோடி. அதேசமயம் தமிழகத்தில் முதல் நாளில் அதிக வசூலைக் குவித்த படமாக விஜய் நடித்து 2022ல் வெளிவந்த 'பீஸ்ட்' படம் 35.8 கோடியுடன் முதலிடத்தில் உள்ளது.

தற்போது அந்த இரண்டு சாதனைகளும் முறியடிக்கப்படலாம் என்று எதிர்பார்க்கப்படுகிறது. லோகேஷ் கனகராஜ் இயக்கத்தில் ரஜினிகாந்த் நடித்துள்ள 'கூலி' திரைப்படத்தின் முன்பதிவு தற்போது விறுவிறுப்பாக நடந்து வருகிறது. தற்போதைய நிலவரப்படி முன்பதிவில் மட்டும் 65 கோடி வசூலைப் பெற்றிருக்கும் எனத் தகவல்கள் தெரிவிக்கின்றன.

படம் வெளியாக இன்றுடன் சேர்த்து இன்னும் மூன்று நாட்கள் உள்ளன. தெலங்கானா, ஆந்திரா மாநிலங்களில் இன்னும் முன்பதிவு ஆரம்பமாகவில்லை. அவையும் ஆரம்பமாகிவிட்டால் வசூல் இன்னும் அதிகரிக்கும் என்று எதிர்பார்க்கப்படுகிறது. இதுவரையில் ஆன்லைன் முன்பதிவு நிலவரத்தைப் பார்க்கும் போது முதல் நான்கு நாட்களுக்கு நிறையவே முன்பதிவு செய்யப்பட்டுள்ளது.

முதல் நாள் வசூல் சாதனையுடன் சேர்த்து முதல் வார இறுதி நாட்களின் வசூலும் சாதனை புரிய வாய்ப்புள்ளது என்பதுதான் பாக்ஸ் ஆபீஸ் தகவல்.

Coolie

Rajinikanth

Lokeshkanagaraj

Cooliebooking

கருத்துகள் (0) கருத்தைப் பதிவு செய்ய

அயோத்தி, பார்க்கிங், மகாராஜா, லப்பர் ...

இதுவரை நடித்திராத கேரக்டரில் சுனில் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய