Dinamalar

பிளாஷ்பேக்: 25வது படத்தின் தலைப்பை மாற்றிய எம்ஜிஆர்

பழம்பெரும் தயாரிப்பாளர் மார்டன் தியேட்டர்ஸ் டி.ஆர்.சுந்தரம், ஹாலிவுட் படங்களின் தாக்கத்தில், பல படங்களைத் தமிழில் தயாரித்தும், இயக்கியும் இருக்கிறார். அதில் ஒன்று 'சர்வாதிகாரி'. 'தி கேலன்ட் பிளேட்' என்ற அமெரிக்க படத்தைத் தழுவி தமிழில் உருவானப் படம்.

எம்.ஜி.ஆர், அஞ்சலிதேவி, எம்.என்.நம்பியார், வி.நாகையா, புளிமூட்டை ராமசாமி, எஸ்.சரோஜா, எஸ்.ஆர்.ஜானகி, கருணாநிதி, வி.கே.ராமசாமி உட்பட பலர் நடித்திருக்கிறார்கள். எம்.ஜி.ஆரின் 25வது படம். இந்தப் படத்துக்கு முதலில் வசனம் எழுத இருந்தவர் கருணாநிதி. மாடர்ன் தியேட்டர்ஸின் முந்தைய படமான எம்.ஜி.ஆரின் 'மந்திரிகுமாரி' சூப்பர் ஹிட்டானதால் இந்தப்படத்துக்கும் எதிர்பார்ப்பு இருந்தது. ஆனால், அந்த நேரத்தில் கருணாநிதி அரசியலில் பிசியாகி விட்டதால் ஆசைத்தம்பி எழுதினார்.

தனது 25வது படம் மிக சிறப்பாக அமைய வேண்டும் என்று எம்ஜிஆர் விரும்பினார். படத்திற்கு முதலில் 'போர்வாள்' என்று பெயரிடப்பட்டிருந்தது. ஆனால் இந்த தலைப்பு புதுமையாக இல்லை என்பதற்காக எம்ஜிஆர் 'சர்வாதிகாரி' என்ற பெயரை சிபாரிசு செய்தார். அதனை தயாரிப்பாளரும் ஏற்றுக் கொண்டார்.

இந்தப் படத்தின் ஆக்ரோஷமான கத்திச் சண்டைகள் அப்போது அதிகம் பேசப்பட்டன. டூப் போடாமல் எம்ஜிஆர் முறைப்படி வாள் பயிற்சி பெற்று சண்டை காட்சியில் நடித்தார். தட்சிணாமூர்த்தி இசை அமைத்திருந்தார். இந்த படம் திரையிட்ட தியேட்டர்களில் 100 நாட்கள் ஓடியது. திருச்சியில் மட்டும் 141 நாட்கள் ஓடியது.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  படம் 1% ஏமாற்றினாலும் என் வீடுதேடி வரலாம்: 'தி ராஜா சாப்' இயக்குனர் ...
• 
  பிரியங்கா மோகனின் கன்னட படம் '666 ஆப்ரேஷன் ட்ரீம் தியேட்டர்' பர்ஸ்ட்லுக் ...
• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி
• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா