அனல் காற்று, தூசு, கொப்பளங்கள்... : மோனிகா அனுபவம் பகிர்ந்த பூஜா - Hot air, dust, blisters... Pooja shares Monicas experience

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

அனல் காற்று, தூசு, கொப்பளங்கள்... : 'மோனிகா' அனுபவம் பகிர்ந்த பூஜா

18 ஜூலை, 2025 - 12:10 IST

எழுத்தின் அளவு:

லோகேஷ் கனகராஜ் இயக்கத்தில், ரஜினிகாந்த் நடிக்க, அனிருத் இசையமைக்க, அடுத்த மாதம் வெளியாக உள்ள 'கூலி' படத்தின் இரண்டாவது சிங்கிளான 'மோனிகா' பாடல் வெளியாகி வரவேற்பைப் பெற்று வருகிறது. அப்பாடலுக்கு பூஜா ஹெக்டே நடனமாடி உள்ளார்.

துறைமுகத்தில் நல்ல வெயில் நேரத்தில் எடுக்கப்பட்ட ஒரு பாடலாக அது தெரிகிறது. அப்பாடல் படப்பிடிப்பின் போது எடுக்கப்பட்ட சில புகைப்படங்களையும், வீடியோக்களையும் பகிர்ந்து அப்பாடல் குறித்து பதிவிட்டுள்ளார் பூஜா.

“மோனிகாவுக்கு நீங்கள் அளித்த அனைத்து அன்பிற்கும் நன்றி. என் சினிமா வாழ்க்கையில் உடல் ரீதியாக கடினமான பாடல்களில் ஒன்றாக மோனிகா இருந்தது.

வெயில், எரிச்சல், அனல் காற்று, ஈரப்பதம், தூசு, கொப்பளங்களுக்கு இடையே... (தசை முறிவுக்குப் பின்...) கடுமையான அதிக ஆற்றல் கொடுத்து ஆடிய பாடல் இது. இத்தனை கஷ்டங்களுக்கு பிறகும் அந்த நடனம் கவர்ச்சியாகவும் எளிதாகவும் இருப்பதை உறுதி செய்வது முக்கியம். மோனிகாவுக்கு நான் என் முழு முயற்சியையும் கொடுத்தேன், இது திரையரங்குகளில் பார்க்க ஒரு பிரமிப்பாக இருக்கும் என்று உறுதியளிக்கிறேன்.

மகாசிவராத்திரி அன்று நான் உபவாசம்(உணவு அருந்தாமல்) இருந்தபோது, இந்த பணியில் என்னுடன் நின்று, எல்லாவற்றிலும் எனக்கு ஆற்றல் அளித்த நடனக் கலைஞர்களுக்கு சிறப்பு நன்றி, பாராட்டுகள்,” எனக் குறிப்பிட்டுள்ளார்.

Monica

Poojahegde

Coolie

Anirudh

Lokeshkanagaraj

கருத்துகள் (0) கருத்தைப் பதிவு செய்ய

இயக்குனர் வேலு பிரபாகரன் காலமானார்

இந்தியாவில் வசூலை அள்ளும் 'எப் 1, ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய