Dinamalar

அதிகபட்ச வியாபாரத்தில் 'கூலி' : மீண்டும் ரஜினியின் உச்சம்

லோகேஷ் கனகராஜ் இயக்கத்தில், அனிருத் இசையமைப்பில், ரஜினிகாந்த், ஸ்ருதிஹாசன், நாகார்ஜுனா, சத்யராஜ், உபேந்திரா, சவுபின் ஷாபிர், சிறப்புத் தோற்றத்தில் ஆமிர்கான், உள்ளிட்ட பலர் நடிக்கும் படம் 'கூலி'. ஆகஸ்ட் 14ம் தேதி வெளியாக உள்ள இப்படத்தின் முதல் சிங்கிள் இன்று மாலை வெளியாகிறது.

கடந்த ஒரு வார காலமாகவே இந்தப் படத்தின் வியாபாரம் பற்றிய தகவல்கள் கோலிவுட்டில் வெளியாகி பரபரப்பை ஏற்படுத்தி வருகிறது. ஒவ்வொரு மொழியிலிருந்தும் முக்கியமான நடிகர்கள் நடிப்பதால் இப்படத்தின் வியாபார எல்லை எதிர்பார்த்ததை விடவும் அதிகமாக இருக்கிறதாம்.

ஒட்டு மொத்தமாக வியாபாரம் முடியும் போது தமிழ் சினிமாவில் இதுவரை இல்லாத அளவிற்கான வியாபாரமாக இந்த 'கூலி' படத்தின் வியாபாரம் இருக்கும் எனச் சொல்கிறார்கள். தற்போதைக்கு வெளிநாடு, தெலுங்கு உரிமை ஆகியவற்றைப் பற்றிய தகவல்கள் அதிகம் வந்துள்ளது. வெளிநாட்டு உரிமை 75 கோடிக்கு அதிகமாகவும், தெலுங்கு உரிமை 40 கோடிக்கு அதிகமாகவும் பேசப்பட்டுள்ளதாகத் தகவல்.

தியேட்டர் வியாபாரம் ஒரு பக்கம் இருந்தாலும் ஓடிடி, சாட்டிலைட் உரிமை, ஆடியோ உரிமை என அவையே 200 கோடிக்கும் அதிகமாக விற்கப்பட்டுள்ளது என்கிறார்கள். தமிழ் சினிமாவில் ஒவ்வொரு காலகட்டத்திலும் அதன் வியாபாரத்தை வளர்த்து உச்சத்துக்குக் கொண்டு செல்பவர் ரஜினிகாந்த். இந்த 'கூலி' படத்தின் மூலம் அது புதிய உச்சம் தொட்டுள்ளது என்பதே உண்மை என கோலிவுட்டில் பேச்சு நிலவுகிறது.

இவை அனைத்துமே கோலிவுட்டில் சுற்றி வரும் தகவல்கள். அதிகாரப்பூர்வத் தகவல் அல்ல என்பதைக் குறிப்பிடுகிறோம்.

• 
  விமர்சனங்களில் பின்னடைவைச் சந்திக்கும் 'வார் 2'
• 
  ரூ.60 கோடி பண மோசடி : நடிகை ஷில்பா ஷெட்டி, கணவர் ராஜ்குந்த்ரா மீது ...
• 
  தெரு நாய்களுக்கு ஆதரவாக குரல் கொடுத்து விமர்சனத்தில் சிக்கிய ஜான்வி ...
• 
  'எக்ஸ்க்ளுசிவ் ஒப்பந்தம்' : 'வார் 2' செய்வது சரியா ?
• 
  சிறையில் இருக்கும் நடிகை ரன்யா ராவின் வளர்ப்பு தந்தைக்கு மீண்டும் ...

• 
  பா.ஜ.,வில் சேர்ந்தது ஏன்?: நடிகை கஸ்தூரி விளக்கம்
• 
  மலையாள நடிகர் சங்கத்தின் முதல் பெண் தலைவரானார் ஸ்வேதா மேனன்
• 
  தெரியாமல் பேசிட்டேன் மன்னிச்சுடுங்க : மிருணாள்
• 
  அனிருத்துக்கு எப்போது திருமணம்? கிண்டலாக பதில் சொன்ன அவரின் தந்தை!
• 
  கே.பி.ஒய். பாலாவின் ‛காந்தி கண்ணாடி' செப்., 5ல் ரிலீஸ்