Dinamalar

'ரெட்ரோ' வெற்றி, யார், யாருக்கு முக்கியம்?

கார்த்திக் சுப்பராஜ் இயக்கத்தில், சூர்யா, பூஜா ஹெக்டே மற்றும் பலர் நடிப்பில் உருவாகியுள்ள 'ரெட்ரோ' படம் நாளை வெளியாக உள்ளது. தமிழ் தவிர, தெலுங்கு, ஹிந்தி ஆகிய மொழிகளிலும் இப்படத்தை டப்பிங் செய்து வெளியிடுகிறார்கள்.

இப்படத்திற்கான பட்ஜெட்டை ஐந்து மொழி ஓடிடி உரிமைகள் மூலமே எடுத்துவிட்டதாகச் சொல்கிறார்கள். அதன் மூலம் முதலீடு செய்த தயாரிப்பாளருக்கு வேண்டிய தொகை வந்துவிட்டது. தியேட்டர்களில் வெளியாகி வசூலைக் குவித்தால் தயாரிப்பாளருக்குக் கூடுதல் லாபம். வினியோகஸ்தர்கள், தியேட்டர்காரர்களுக்கு ஒரு வருவாய்.

இருந்தாலும் தியேட்டர்களில் கிடைக்கும் வசூல்தான் ஒரு ஹீரோவுக்கு ஒரு மார்க்கெட்டை உருவாக்கித் தருகிறது. அந்த விதத்தில் இந்தப் படத்தின் வெற்றி சூர்யாவுக்கு மிக முக்கியமானதாக உள்ளது. சூர்யா நடித்து கடைசியாக வெளிவந்த 'கங்குவா' படம் வியாபார ரீதியாக தோல்விப் படம். அதற்கு முன்னதாக சூர்யா நடிப்பில் தியேட்டர்களில் வெளிவந்த “எதற்கும் துணிந்தவன், காப்பான், என்ஜிகே, தானா சேர்ந்த கூட்டம், சி 3, 24, மாசு என்கிற மாசிலாமணி, அஞ்சான்'' ஆகிய படங்கள் பெரிய வரவேற்பையோ, வசூலையோ பெறவில்லை. சூர்யாவின் கடைசி கமர்ஷியல் வெற்றி என்றால் 2013ல் வெளிவந்த 'சிங்கம் 2' படத்தை வேண்டுமானால் சொல்லலாம்.

அதே சமயம், ஓடிடி தளத்தில் நேரடியாக வெளியான 'சூரரைப் போற்று, ஜெய் பீம்' ஆகிய இரண்டு படங்கள் சூர்யாவைப் பற்றி இப்போதும் பேச வைத்துக் கொண்டிருக்கும் படங்களாகக் காப்பாற்றி வருகின்றன. ஆக, சூர்யாவுக்கு தியேட்டர் வெற்றி, வசூல் என்பது சிறப்பாகக் கிடைத்து பத்து ஆண்டுகளுக்கு மேலாகிவிட்டது. எனவே, இந்த 'ரெட்ரோ' வெற்றி அவருக்கு முக்கியமானது.

அவருடன் சேர்த்து படத்தின் கதாநாயகி பூஜா ஹெக்டேவுக்கும் முக்கியமானது. பூஜா நடித்து கடைசியாக வெளிவந்த படங்களில் தமிழில் 'பீஸ்ட்' சுமாரான வரவேற்பையே பெற்றது. தெலுங்கில் 'எப் 3' படம் வசூலைத் தந்தது. அதே சமயம் ஹிந்தியில் வெளியான 'சர்க்கஸ், கிசி கா பாய் கிசி கி ஜான், தேவா' ஆகிய படங்கள் தோல்விப் படங்களாக அமைந்தது.

'ரெட்ரோ' படத்தைத் தொடர்ந்து 'ஜனநாயகன், காஞ்சனா 4' என அடுத்தடுத்து படங்கள் அவருக்கு வர உள்ளதால் இந்த வெற்றி அவசியமாகிறது.

• இவரை பற்றி
• செய்திகள்
• ஆல்பம்
• வீடியோ
• வந்த படங்கள்

• இவரை பற்றி
• செய்திகள்
• ஆல்பம்
• வந்த படங்கள்

• 
  டெஸ்ட்டில் விட்டதை கேசரி சாப்டர் 2-வில் பிடிப்பாரா மாதவன்
• 
  'பேமிலிமேன்-3' வெப்சீரிஸ் நடிகர் நீர்வீழ்ச்சியில் விழுந்து மரணம்
• 
  சிறுநீர் குடித்தேன் - பரேஷ் ராவல் கருத்துக்கு டாக்டர்கள் எதிர்ப்பு
• 
  நடிகை ரன்யா ராவ் மீது காபிபோசா சட்டம் பாய்ந்தது ; ஒரு வருடத்திற்கு ஜாமின் ...
• 
  ஐஸ்வர்யா ராய் என்னை சிறுவனாக நினைத்ததில்லை : ரன்பீர் கபூர்

• 
  ஏஐ தொழில்நுட்பத்தில் வ.உ.சி வாழ்க்கை வரலாற்று படமாக உருவாகும் 'நாவாய்'
• 
  'டிடி நெக்ஸ்ட் லெவல்' டிரைலர் - கவுதம் மேனனையே கலாய்ச்சிட்டீங்களே…
• 
  பிஸியோதெரபி சிகிச்சையில் அஜித்குமார்
• 
  மே ரிலீஸ் பட்டியலில் ஒவ்வொன்றாய் சேரும் படங்கள்
• 
  கதாநாயகிகள் அதிக சம்பளம் கேட்கக் கூடாதா?