Dinamalar

மண்டாடி : திறமையான கூட்டணியுடன் களமிறங்கும் சூரி

காமெடி நடிகராக இருந்து கதையின் நாயகனாக உயர்ந்துள்ளவர் சூரி. 'விடுதலை 1, விடுதலை 2, கருடன்' ஆகிய படங்களில் அவருடைய நடிப்பிற்கு ரசிகர்களிடம் நல்ல வரவேற்பு கிடைத்துள்ளது. அடுத்து அவர் நாயகனாக நடித்துள்ள 'மாமன்' படம் மே 16ம் தேதி வெளியாக உள்ளது.

'விடுதலை' படத்தைத் தயாரித்த தயாரிப்பு நிறுவனமான ஆர்எஸ் இன்பொடெயின்மென்ட் சூரி கதையின் நாயகனாக நடிக்க உள்ள 'மண்டாடி' படத்தைத் தயாரிக்க உள்ளது. இப்படத்தின் முதல் பார்வையை இன்று வெளியிடுகிறார்கள். இதற்காக இன்று இரவு சென்னையில் நிகழ்ச்சி ஒன்றை நடத்த உள்ளார்கள்.

இப்படத்திற்கு இயக்குனர் வெற்றிமாறன் கிரியேட்டிவ் தயாரிப்பாளராக பொறுப்பேற்றுள்ளார். அவரது உதவியாளர்களில் ஒருவரான மதிமாறன் புகழேந்தி இப்படத்தை இயக்குகிறார். இதற்கு முன்பு இவர் ஜிவி பிரகாஷ்குமார், கவுதம் மேனன் நடித்த 'செல்பி' படத்தை இயக்கியவர்.

'மண்டாடி' படத்தில் சத்யராஜ், மகிமா நம்பியார், சஞ்சனா நமிதாஸ், அச்யுத் குமார், ரவீந்திர விஜய், சுஹாஸ் என நடிப்பில் பெயர் வாங்கியவர்கள் உடன் நடிக்கிறார்கள். ஜிவி பிரகாஷ் இசையமைக்க, எஸ்ஆர் கதிர் ஒளிப்பதிவு செய்ய, பீட்டர் ஹெயின் சண்டைக் காட்சிகளை அமைக்க, கிரண் வடிவமைப்பாளராக பணியாற்றுகிறார்கள். நடிகர்கள், இதரக் கலைஞர்கள் என திறமையானவர்களுடன் கூட்டணி சேர்ந்துள்ளார் சூரி.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  ஜூன் 13ல், 500 தியேட்டர்களில் படை தலைவன் ரிலீஸ்
• 
  டூரிஸ்ட் பேமிலி : கன்னட நடிகர் சுதீப் பாராட்டு
• 
  ஜனநாயகன் படத்தின் தமிழக தியேட்டர் உரிமையில் கடும் போட்டி
• 
  அர்ஜுன் தாஸின் நீண்ட நாள் கனவு நனவாகியது
• 
  ஹாலிவுட் யுனிவர்ஸ் பாணியில் உருவாகும் பென்ஸ் : இயக்குனர் பாக்யராஜ் ...