Dinamalar

'சந்தோஷ்' படத்தை வெளியில் திரையிடுவேன் : பா ரஞ்சித் அடாவடி

'சந்தோஷ்' என்ற திரைப்படத்தை இந்தியாவில் திரையிடக் கூடாது என்று மத்திய தணிக்கை வாரியம் கூறியிருக்கிறது. இங்கிலாந்து சார்பில் ஆஸ்கர் விருதுகளுக்காக சென்ற ஒரு திரைப்படம் 'சந்தோஷ்'. இந்தியாவில் நடக்கும் சில விஷயங்களை மையப்படுத்தி அந்தப் படம் எடுக்கப்பட்டுள்ளது. சர்ச்சைக்குரிய காட்சிகளை நீக்க மறுத்ததால் அப்படத்தை இந்தியாவில் திரையிடக் கூடாது என்று சொல்லப்பட்டது.

இதனிடையே, தடை செய்யப்பட்ட 'சந்தோஷ்' திரைப்படத்தை சென்னையில் நடைபெற்ற பிகே ரோஸி திரைப்பட விழாவில் திரையிட உள்ளதாக விழா குழுவினர் அறிவித்திருந்தனர். இயக்குனர் பா ரஞ்சித்தின் நீலம் பண்பாட்டு மையம் அத் திரைப்பட விழாவை நடத்தியது.

நேற்று பிப்ரவரி 6 ஞாயிறன்று காலை 9 மணிக்கு திரையிடுவதாக இருந்தது. இந்நிலையில் திரைப்பட விழா நடைபெறும் சென்னை சாலிகிராமத்தில் உள்ள பிரசாத் லேப் கதவில் படத்தைத் திரையிடக் கூடாது என சம்பந்தப்பட்ட துறையினர் நடவடிக்கை எடுத்துள்ளனர். அதோடு ஏப்ரல் 5ம் தேதி திரையிடுவதாக இருந்த 'நசீர்' என்ற திரைப்படமும் திரையிடாமல் தடுத்து நிறுத்தப்பட்டுள்ளது.

இது குறித்து நேற்றைய நிறைவு நிகழ்ச்சியில் பா ரஞ்சித், “பிரசாத் லேப்ல லைசென்ஸ் கேன்சல் பண்ணுவோம்னு சொல்ற அளவுக்கு அச்சுறுத்தி இருக்காங்க. அது பத்தி ஒண்ணும் பிரச்சனையில்லை. நாம 'சந்தோஷ்' படத்தை வெளியில திரையிடலாம். அதை எதிர்கொள்ளவும் நமக்கு சக்தி இருக்கு. நாம ஒண்ணும் அவ்ளோ க்ரைம்லாம் பண்ணல. இதுக்கு க்ரைம் தண்டனைலாம் கொடுப்போம்னு சொல்றாங்க. பரவால்ல, கொஞ்ச நாள் ஜெயில்ல போய் உட்காரலாம். கைதாவதற்கு தயாராக இருக்கிறோம். சந்தோஷ், நசீர் ஒரு நல்ல நாள் சொன்னீங்கன்னா திரையிட்டு கைதாவோம்,” என அடாவடியாகப் பேசியுள்ளார்.

மத்திய தணிக்கை வாரியம் தடை செய்த 'சந்தோஷ்' திரைப்படத்தை இந்த பிகே ரோஸி திரைப்பட விழாவில் திரையிடுவது குறித்து நாம் ஏற்கெனவே ஏப்ரல் 2ம் தேதி செய்தி வெளியிட்டிருந்தோம். மத்திய அரசு அனுமதி அளிக்குமா என்ற சந்தேகத்தையும் எழுப்பியிருந்தோம். செய்தியின் விளைவாக நடவடிக்கை எடுக்கப்பட்டுள்ளதாகவே தெரிகிறது. மேலும், ரஞ்சித் சொன்னதுபோல், தடையை மீறி பொதுவெளியில் படத்தை திரையிட்டாலும், அதற்கான பின்விளைவுகளை அவர் சந்திப்பார் என்றே கூறப்படுகிறது.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்
• 
  புறநானூறு படத்திலிருந்து சூர்யா விலகியது ஏன்? : சுதா கொங்கரா பதில்