உங்கள் ஊகங்களை நிறுத்துங்கள்: ரசிகருக்கு அட்வைஸ் செய்த மாளவிகா மோகனன்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

07 ஏப், 2025 - 03:21 IST

எழுத்தின் அளவு:

மலையாளத்தில் சில படங்களில் நடித்துவிட்டு ரஜினியின் 'பேட்ட' படத்தின் மூலம் தமிழுக்கு வந்தவர் மாளவிகா மோகனன். அதன்பிறகு விஜய்யுடன் 'மாஸ்டர்', தனுசுடன் 'மாறன்', விக்ரமுடன் 'தங்கலான்' போன்ற படங்களில் நடித்தவர், தற்போது கார்த்தியுடன் 'சர்தார்-2' படத்திலும், பிரபாசுடன் 'ராஜா சாப்' என்ற படத்திலும் நடித்து வருகிறார்.

மேலும், மலையாளத்தில் மோகன்லால் நடிப்பில் பிரபல இயக்குனர் சத்யன் அந்திக்காடு இயக்கத்தில் உருவாகி வரும் 'ஹிருதயபூர்வம்' என்கிற படத்திலும் கதாநாயகியாக நடித்து வருகிறார். இந்த படத்தின் முதல் கட்ட படப்பிடிப்பு சமீபத்தில் நிறைவடைந்தது. படப்பிடிப்பு தளத்தில் எடுக்கப்பட்ட சில புகைப்படங்களை மாளவிகா மோகனன், சமூக வலைதளங்களில் பகிர்ந்தார். அதில் மோகன்லாலுடன் அவர் இருக்கும் படமும் அடங்கும்.

அப்படத்தை குறிப்பிட்டு ரசிகர் ஒருவர் மோகன்லாலின் வயதையும், மாளவிகா மோகனின் வயதையும் குறிப்பிட்டு, ''ஏன் இந்த மூத்த நடிகர்கள் தங்கள் வயதுக்கு பொருந்தாத கதாபாத்திரங்களில் நடிக்க இவ்வளவு ஆர்வம் காட்டுகிறார்கள்?'' என கமெண்ட் செய்திருந்தார். இதற்கு பதிலளித்த மாளவிகா மோகனன், ''இது ஒரு காதல் படம் என்று யார் சொன்னது? உங்களின் அரைகுறையான ஆதாரமற்ற ஊகங்களால் மனிதர்களையும், ஒரு படத்தையும் மதிப்பிடுவதை நிறுத்துங்கள்'' என அறிவுரை வழங்கினார். மாளவிகாவின் இந்த பதில் வைரலாகி வருகிறது.

Malavika Mohanan

Mohanlal

Hridaya Poorvam

Fan

கருத்துகள் (0) கருத்தைப் பதிவு செய்ய

'சந்தோஷ்' படத்தை வெளியில் ...

மாரீசன் படத்தில் கோவை சரளா

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய