Dinamalar

ஹிந்தியில் வெளியான பின் தமிழில் வெளியாகும் 'ராஜ பீமா'

நரேஷ் சம்பத் இயக்கத்தில், பிக்பாஸ் புகழ் ஆரவ், ஆஷிமா நர்வால், யாஷிகா ஆனந்த் மற்றும் பலர் நடித்துள்ள படம் 'ராஜ பீமா'. பிக்பாஸ் முதல் சீசனில் கலந்து கொண்ட ஆரவ் அப்போது மிகவும் பிரபலமாக இருந்தார். அவரை கதாநாயகனாக வைத்து சில படங்கள் ஆரம்பமாகின. இருந்தாலும் தனக்குக் கிடைத்த பிரபலத்தை ஆரவ் சரியாகப் பயன்படுத்திக் கொள்ளவில்லை.

இப்போது தியேட்டர்களில் வெளியாக உள்ள இந்தப் படத்தை, இரண்டு வருடங்களுக்கு முன்பே இந்தப் படத்தை ஹிந்தியில் டப்பிங் செய்து யூடியுப் தளங்களில் வெளியிட்டுள்ளார்கள். அப்படி வெளியான ஒரு படத்தை இப்போது தியேட்டர்களில் வெளியிடுவது ஆச்சரியமாக உள்ளது. 2018ம் ஆண்டே இப்படத்தின் படப்பிடிப்பு ஆரம்பமாகி உள்ளது. 2019ல் இப்படத்தின் டிரைலரையும் வெளியிட்டுள்ளார்கள். ஆனால், இத்தனை வருட தாமதத்திற்குப் பிறகு படம் தமிழில் வெளியாக உள்ளது.

பிக்பாஸ் முதல் சீசனில் கலந்து கொண்ட ஆரவ், ஓவியா இடையில் காதல் என அப்போது பரபரப்பாகப் பேசப்பட்டது. இப்படத்தில் ஓவியா ஒரு பாடலுக்கு நடனமாடி உள்ளார். பல்வேறு காரணங்களால் தள்ளிப்போன படம், இத்தனை வருடங்களுக்குப் பிறகு இந்த வாரம் ஜனவரி 31ம் தேதி தியேட்டர்களில் வெளியாகிறது.

• செய்திகள்
• வந்த படங்கள்
• வரவிருக்கும் படங்கள்

• செய்திகள்
• வந்த படங்கள்

• 
  வார் 2 படத்திற்காக மீண்டும் சிக்ஸ்பேக்கிற்கு மாறிய ஜூனியர் என்டிஆர்
• 
  250 கோடி வசூலைக் கடந்த 'சாயரா'
• 
  வார் 2 டிரைலர் : 24 மணி நேரத்தில் 50 மில்லியன் பார்வைகள்
• 
  செல்போனை பறித்தாரா அக்ஷய் குமார் ? உண்மையை வெளியிட்ட லண்டன் ரசிகர்
• 
  என்னால் 12 மணிநேரம் கூட பணிபுரிய முடியும்! - நடிகை வித்யா பாலன்

• 
  ஸ்ரீதேவிக்கு ராம் கோபால் வர்மா கொடுத்த ‛டயட் டார்ச்சர்' : சால்பாஸ் ...
• 
  படம்... பாராட்டு... பயம்... மனம் திறந்த ஸ்ரீகணேஷ்
• 
  நானும் மக்கள் பிரதிநிதி தான் - மதுவந்தி
• 
  விஷால் கோரிக்கையை நிராகரித்த சினிமா அமைப்புகள்
• 
  வெற்றிக்காக காத்திருக்கும் அப்பாவும், மகனும்