Dinamalar

மைசூரு பண்ணை வீட்டில் தங்க நடிகர் தர்ஷனுக்கு உயர் நீதிமன்றம் அனுமதி

கன்னட திரையுலகில் குறிப்பிடத்தக்க முன்னணி நடிகர்களில் ஒருவர் நடிகர் தர்ஷன். கடந்த ஜூன் மாதம் தனது காதலியும் நடிகையுமான பவித்ரா கவுடாவுக்கு தனது ரசிகரான ரேணுகா சுவாமி என்பவர் அடிக்கடி ஆபாச குறுஞ்செய்திகளை அனுப்பி டார்ச்சர் செய்தார் என்கிற கோபத்தில் அவரை கொலை செய்ததாக குற்றம் சாட்டப்பட்டு கைது செய்யப்பட்டு சிறையில் அடைக்கப்பட்டார்.

கிட்டத்தட்ட மூன்று மாத சிறைவாசத்தில் அவர் பலமுறை ஜாமின் விண்ணப்பித்தும் அது நிராகரிக்கப்பட்டது. பின்னர் தனது உடல் நிலையை காரணம் காட்டி முதுகு தண்டுவட அறுவை சிகிச்சை செய்ய வேண்டும் என மருத்துவரின் பரிந்துரையை மேற்கோள் காட்டி ஆறு வார இடைக்கால ஜாமின் பெற்றார் தர்ஷன்.

அதற்குள் ஒரு வழியாக தர்ஷன் மட்டுமல்லாது இந்த வழக்கில் சம்பந்தப்பட்ட அனைவருக்குமே கடந்த சில தினங்களுக்கு முன்பு கர்நாடக உயர் நீதிமன்றம் ஜாமின் வழங்கி உத்தரவிட்டது. இந்த நிலையில் தற்போது மைசூருக்கு அருகில் 25 கிலோ மீட்டர் தொலைவில் உள்ள தனது பண்ணை வீட்டிற்கு சென்று தங்கியுள்ளார் தர்ஷன். இவருக்கு ஜாமின் வழங்கப்படும் போது நீதிமன்றத்தில் தனக்கு மைசூருக்கு அருகில் உள்ள பண்ணை வீட்டில் சென்று தங்க அனுமதிக்க வேண்டும் என்று கோரிக்கையும் வைத்து இருந்தார் தர்ஷன். அதற்கு நீதிமன்றமும் அனுமதி அளித்துள்ளது.

இதனைத் தொடர்ந்து தற்போது பண்ணை வீட்டில் தங்கியுள்ள தர்ஷனை அவரது அம்மா உள்ளிட்ட நெருங்கிய குடும்ப உறவுகளும் நெருங்கிய சில நண்பர்கள் மட்டுமே சென்று சந்தித்து உள்ளனர். அவரது பண்ணை வீட்டில் உள்ளே என்ன நடக்கிறது என்று தெரியாத வண்ணம் முன்புறம் உள்ள கேட் முற்றிலும் மறைக்கப்பட்டு உள்ளது.

• செய்திகள்
• வந்த படங்கள்

• 
  முன்னாள் கணவருக்கு இறுதி அஞ்சலி செலுத்திய கரிஷ்மா கபூர்
• 
  அமீர்கான் படக்குழுவினரை நேரில் சந்தித்து உற்சாகப்படுத்திய ஷாருக்கான்
• 
  ‛பஞ்சாயத்து' சீரிஸ் என்னை இந்தியா முழுக்க அறிய வைத்திருக்கிறது - நீனா ...
• 
  ஐதராபாத் திரைப்பட நகரம் பற்றி கஜோல் பேச்சு : திரையுலகம் அதிர்ச்சி
• 
  டிவி ஒளிபரப்பில் சாதனை படைத்த 'புஷ்பா 2'

• 
  போதைப்பொருள் பயன்படுத்த மாட்டேன் ; அபிடவிட் கேட்கும் கேரள தயாரிப்பாளர் ...
• 
  டைட்டிலை மாற்றச் சொல்லி சென்சார் நிர்பந்தம் ; தள்ளிப்போன சுரேஷ் கோபி பட ...
• 
  ஆமதாபாத் விமானத்தில் பயணிக்காத சினிமா இயக்குனரும் விபத்தில் மரணம் ; ஒரு ...
• 
  இலங்கை பார்லிமென்டில் சிறப்பு விருந்தினராக பங்கேற்ற மோகன்லால்
• 
  'மஞ்சும்மேல் பாய்ஸ்' தயாரிப்பாளருக்கு நீதிமன்றத்தில் ஆஜராக ஒரு வாரம் ...