Dinamalar

பிளாஷ்பேக்: வேஷமிட்டு வாய்ப்பைப் பெற்ற ஜெமினிகணேசன்

ஆண்டனி ட்ரோலோப் என்ற ஆங்கில எழுத்தாளரின் கதை “தண்ணீர் சுமப்பவன்”. தண்ணீர் கிடைக்காத பஞ்சகாலத்தில் பல மைல் தூரங்களுக்கு அப்பால் உள்ள ஒரு ஏரியிலிருந்து தண்ணீர் சுமந்து வந்து ஊர் மக்களுக்கு அதை விநியோகம் செய்து, அதன் மூலம் கிடைக்கும் வருவாயில் பிழைப்பு நடத்திவரும் ஏழை ஒருவனுக்கு ரகசியப் புதையல் உள்ள குகை பற்றிய விபரமும், ஒரு மெழுகுவர்த்தியும் கிடைக்க, அதில் குறிப்பிட்டுள்ள விபரப்படி குகைக்குச் சென்று, மெழுகுவர்த்தியை எரியவிட்டு, அது அணைந்துவிடும் முன் குகைக்குள் உள்ள வைரங்களை அள்ளிக் கொண்டு வெளியில் வந்து பெரும் பணக்காரன் ஆகிறான் அந்த ஏழை என்று இந்தக் கதையில் வரும் குகையையும், மெழுகுவர்த்தியையும் மையப் பொருளாக வைத்து, பெண்களை கண்ணீர் சிந்த வைக்கும் ஓர் கதையை உருவாக்கினர் “நாராயணன் கம்பெனி” என்ற தயாரிப்பு நிறுவனத்தினர்.

கதையின் நாயகன் ஆணழகன். எதிர்பாராதவிதமாக ஒரு சாபத்துக்குள்ளாகி நாயகன் அருவருப்பான தோற்றமுடையவனாகிவிட, அவனை மீண்டும் பழைய உருவத்திற்கு கொண்டு வரும் சக்தி ஒரு குகைக்குள் இருப்பதுபோல் திரைப்படத்திற்காக கதை புனையப்பட்டிருந்தது. படத்தின் நாயகனாக சிவாஜிகணேசனை நடிக்க வைக்க வேண்டும் என படத்தின் தயாரிப்பாளரான கே எஸ் நாராயண அய்யங்கார் நினைக்க, நரசு ஸ்டூடியோவில் ஒரு படப்பிடிப்பில் இருந்த சிவாஜிகணேசனை போய் பார்த்து கதையைச் சொல்லி அவருடைய சம்மதத்தையும் பெற்றுவிட்டது தயாரிப்பு நிறுவனம்.

இந்த தயாரிப்பு நிறுவனத்தின் படமான “மனம்போல் மாங்கல்யம்” திரைப்படத்தில் நடித்திருந்த நடிகர் ஜெமினிகணேசனுக்கு தயாரிக்கப் போகும் இந்த திரைப்படத்திலும் நடிக்க வேண்டும் என ஆசை தொற்றிக் கொள்ள, படக் கம்பெனியை தொடர்பு கொண்டு வாய்ப்பு கேட்க, பலதரப்பட்ட குணாதிசயங்கள் கொண்ட கதாபாத்திரம் இது. ஜெமினிகணேசனால் செய்ய முடியாது என படத்தின் தயாரிப்பாளரான கே எஸ் நாரயாண அய்யங்கார் சொல்லிவிட, ஓர் நாள் நாராயண அய்யங்காரின் வீட்டிற்கு அடர்ந்த தாடி, மீசையோடு ஒரு பிச்சைக்காரன் வந்து நின்று, நாராயண அய்யங்காரிடம் “அய்யா பிச்சை போடுங்கய்யா” என கேட்க, போ! போ!! என அவர் விரட்ட, வீட்டிற்குள் நிற்கும் பிச்சைக்காரனை பார்த்துக் கொண்டிருந்த படத்தின் மற்றொரு தயாரிப்பாளரான பட்டண்ணாவைப் பார்த்து, என்ன நீயும் வேடிக்கை பாத்துக்கிட்டு நிக்கிறே… இவனை விரட்டு என நாராயண அய்யங்கார் கூற, நல்லாப் பாருங்க, அது நம்ம கணேஷ்தான் என பட்டண்ணா கூறியவுடன் ஜெமினி கணேசன் நாராயண அய்யங்காரின் முன் தனது பிச்சைக்கார வேடத்தை கலைந்தார்.

ஏன் இந்த பிச்சைக்கார வேஷம்? என நாராயண அய்யங்கார் ஜெமினிகணேசனைப் பார்த்து கேட்க, வேஷப் பிச்சை வேணும். நீங்க தயாரிக்கப் போகிற “கணவனே கண்கண்ட தெய்வம்” படத்தில் கதாநாயகனாக என்னை நடிக்க வைக்க வேண்டும் என ஜெமினிகணேசன் அவரிடம் கூற, பின்னர் படத்தின் நாயகனாக ஒப்பந்தமானார் நடிகர் ஜெமினிகணேசன். 1955 மே 6 அன்று வெளிவந்த இத்திரைப்படம் வணிக ரீதியாக மாபெரும் வெற்றியை ஈட்டித் தந்தது. பல திரையரங்குகளில் 100 நாட்களைக் கடந்து ஓடி நடிகர் ஜெமினிகணேசனின் திரைப்பயணத்தில் ஒரு மைல்கல் திரைப்படமாக அமைந்தது இந்த “கணவனே கண்கண்ட தெய்வம்”.

• 
  அபிஷேக் பச்சன் விஷயத்தில் ஐஸ்வர்யா ராய் ஏற்படுத்திய குழப்பம் ; ...
• 
  சினிமாவில் ஓய்வை அறிவித்த '12வது பெயில்' நடிகர் விக்ராந்த் மாசே
• 
  ரேடியோ நிகழ்ச்சியில் வாழ்க்கை அனுபவங்களை பகிரும் பத்மஸ்ரீ பாடகர் சுரேஷ் ...
• 
  நெப்போட்டிசம் பற்றி கிர்த்தி சனோன் பளீச்
• 
  சிங்கத்திற்கு குரல் கொடுக்கும் ஷாருக்கான்

• 
  ஸ்ரீலீலாவை 'ஓவர் டேக்' செய்த ரஷ்மிகா மந்தனா
• 
  பிளாஷ்பேக் : மலையாள சினிமாவின் தந்தையை விரட்டிய தமிழ் சினிமா
• 
  பிளாஷ்பேக் : நாடகத்தையும், சினிமாவையும் இணைத்த கோமல் சாமிநாதன்
• 
  ஒரே ஆண்டில் 80 கோடி வரி செலுத்தி விஜய் சாதனை
• 
  கனடா நாடாளுமன்றத்தில் கருணாசுக்கு கவுரவம்