Dinamalar

பணி படம் பார்த்துவிட்டு ஜோஜூ ஜார்ஜை பாராட்டிய கமல்

மலையாள திரை உலகில் குறிப்பிடத்தக்க குணச்சித்திர நடிகராக கடந்த சில வருடங்களில் தன்னை அடையாளப்படுத்திக் கொண்டவர் நடிகர் ஜோஜூ ஜார்ஜ். கடந்த இரண்டு வருடங்களுக்கு முன்பு வெளியான ஜோசப் படத்தின் மூலம் ஒரு வெற்றிகரமான கதையின் நாயகனாகவும் மாறிய அவர் தொடர்ந்து பல படங்களில் கதையின் நாயகனாக நடித்து வருகிறார். தமிழிலும் அவருக்கு வாய்ப்பு தேடி வந்ததை தொடர்ந்து ஜகமே தந்திரம் படத்தில் நடித்தவர், தற்போது மணிரத்னம்-கமல் கூட்டணியில் உருவாகி வரும் தக் லைப் படத்தில் முக்கிய கதாபாத்திரத்தில் நடித்துள்ளார்.

அது மட்டுமல்ல சமீபத்தில் இயக்குனராகவும் புதிய அவதாரம் எடுத்துள்ள ஜோஜூ ஜார்ஜ், 'பணி' என்கிற படத்தை இயக்கியுள்ளார். மலையாளம் தவிர்த்து தமிழிலும் வெளியாகியுள்ளது. தன் மனைவிக்கு ஒரு தீங்கை ஏற்படுத்திய இரண்டு இளைஞர்களுக்கு கணவன் எப்படி வித்தியாசமான முறையில் பாடம் புகட்டுகிறான் என்பதை மையப்படுத்தி ஒரு வித்தியாசமான பழிவாங்கல் கதையாக இந்த படம் உருவாகி உள்ளது. ரசிகர்களின் வரவேற்பையும் பெற்றுள்ளது.

இந்த நிலையில் தக் லைப் படத்தில் கமலுடன் சேர்ந்து நடித்ததால் ஏற்பட்ட நட்பின் அடிப்படையில் சென்னையில் கமலுக்கு இந்த பணி படத்தின் சிறப்பு காட்சியை திரையிட்டு காட்டியுள்ளார் ஜோஜூ ஜார்ஜ். படத்தை பார்த்த கமல் படத்தின் சிறப்புகளையும் ஜோஜூ ஜார்ஜின் டைரக்ஷன் திறமையையும் வெகுவாக பாராட்டி உள்ளார்.

• 
  புதிய முயற்சியில் அமீர் கான்
• 
  அக்ஷய் குமார் படத்திலிருந்து பரேஷ் ராவல் விலகியது ஏன் : உண்மையை உடைத்த ...
• 
  நிச்சயமாக ஒரு நாள் பஹத் பாசிலுடன் நடிப்பேன் : ஆலியா பட் ஆர்வம்
• 
  கவர்ச்சியாக நடிப்பவர்களை விமர்சிக்காதீர்கள்: பூமி பட்னேகர்
• 
  என் விளக்கத்தை அக்ஷய் குமார் படித்தால் பிரச்னை முடிவுக்கு வந்துவிடும் ; ...

• 
  கமல், திரிஷாவை கதாபாத்திரங்களாகப் பார்க்க வேண்டும் : மணிரத்னம்
• 
  சசிகுமாரின் 'டூரிஸ்ட் பேமிலி' படத்தை பாராட்டிய நானி!
• 
  அனிருத்துக்கு விஜய் தேவரகொண்டா அளித்த இரண்டு பரிசு!
• 
  'பராசக்தி' டைட்டிலை விட்டுக் கொடுத்தது ஏன்? -சொல்கிறார் விஜய் ஆண்டனி
• 
  ஓ மாறா - 'தக்லைப்' படத்தில் சிம்புவின் லிரிக் வீடியோ வெளியானது!