Dinamalar

'குட் பேட் அக்லி' பொங்கல் ரிலீஸ் : தள்ளிப்போகும் 'விடாமுயற்சி'

அஜித் தற்போது இரண்டு படங்களில் நடித்து வருகிறார். மகிழ்திருமேனி இயக்கத்தில் 'விடாமுயற்சி', ஆதிக் ரவிச்சந்திரன் இயக்கத்தில் 'குட் பேட் அக்லி'. இதில் 'விடாமுயற்சி' படம்தான் முதலில் ஆரம்பிக்கப்பட்டது. இந்த வருட தீபாவளிக்காவது அந்தப் படம் வெளியாகும் என்று எதிர்பார்த்தார்கள். ஆனால், படப்பிடிப்பு திட்டமிட்டபடி நடந்து முடியாத காரணத்தால் படத்தின் வெளியீடு தள்ளிக் கொண்டே வந்தது.

அதன் பிறகு ஆரம்பிக்கப்பட்ட 'குட் பேட் அக்லி' படத்தை 2025 பொங்கல் ரிலீஸ் என ஏற்கெனவே அறிவித்திருந்தார்கள். ஆனால், அதன் பிறகு வெளியான அப்டேட்டுகளில் அந்த ரிலீஸ் பற்றி எதுவுமே குறிப்பிடாமல் தவிர்த்தார்கள். இந்நிலையில் வினியோகஸ்தர்களிடம் 2025 பொங்கலுக்கு படத்தை வெளியிடுகிறோம் என தயாரிப்பு நிறுவனமான மைத்ரி மூவி மேக்கர்ஸ் நிறுவனம் தெரிவித்துள்ளதாகத் தகவல் வெளியாகி உள்ளது.

'விடாமுயற்சி' படத்தை அடுத்த வருடம் கோடை விடுமுறையில் வெளியிடலாம் எனச் சொல்கிறார்கள். 2025 பொங்கலுக்கு பாலா இயக்கத்தில் அருண் விஜய் நடித்துள்ள 'வணங்கான்' படமும் வெளியாக உள்ளது. ஷங்கர் இயக்கத்தில் ராம் சரண் நடித்துள்ள தெலுங்குப் படமான 'கேம் சேஞ்சர்' படமும் தமிழில் டப்பிங் ஆகி வர உள்ளது. விக்ரம் நடித்துள்ள 'வீர தீர சூரன்' படமும் பொங்கல் ரிலீஸ்தான் எனச் சொல்கிறார்கள். கார்த்தி நடித்துள்ள 'வா வாத்தியார்' படமும் பொங்கலுக்கு வெளியாகலாம். வெகு விரைவில் எந்தெந்த படங்கள் பொங்கல் வெளியீடு என்பது உறுதியாகத் தெரிந்துவிடும்.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  இரவில் சிரித்து பேசிய தந்தையை காலையில் உயிருடன் பார்க்கவில்லை : ஷைன் டாம் ...
• 
  இசையமைப்பாளர் ஆனார் இளையராஜா பேரன்
• 
  விடுமுறை நாளிலும் வசூலில் ஏமாற்றிய தக் லைப்
• 
  நாக சைதன்யாவை காதலித்தபோது கழுத்தின் பின்பகுதியில் குத்திய டாட்டூவை ...
• 
  தக் லைப் படத்தை புகழ்ந்து பதிவிட்ட இயக்குனர் கார்த்திக் சுப்பராஜ்