மே 1 - தொழிலாளர் தினத்தில் ரஜினிகாந்தின் கூலி ரிலீஸ்? - Rajinikanth Coolie to release on May 1

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

மே 1 - தொழிலாளர் தினத்தில் ரஜினிகாந்தின் 'கூலி' ரிலீஸ்?

13 நவ, 2024 - 01:19 IST

எழுத்தின் அளவு:

லோகேஷ் கனகராஜ் இயக்கத்தில், அனிருத் இசையமைப்பில், ரஜினிகாந்த், நாகார்ஜுனா, உபேந்திரா, சத்யராஜ், சவுபின் சாகிர், ஸ்ருதிஹாசன் மற்றும் பலர் நடிப்பில் உருவாகி வரும் படம் 'கூலி'. இப்படத்தின் படப்பிடிப்பு தற்போது சென்னையில் நடந்து வருகிறது.

இப்படத்தை அடுத்த வருடம் மே 1ம் தேதி தொழிலாளர் தினத்தில் வெளியிட திட்டமிட்டுள்ளதாகத் தகவல் வெளியாகி உள்ளது. அன்றைய தினம் வியாழக்கிழமை விடுமுறை நாள். அதனால், முதல் வார இறுதி விடுமுறை நாட்களுடன் சேர்த்து நான்கு நாட்களில் அமோகமான வசூலைப் பெற முடியும்.

2025ம் ஆண்டு தனுஷ் இயக்கி, நடிக்கும் 'இட்லி கடை' படத்தை ஏப்ரல் 10ம் தேதி வெளியிட உள்ளதாகவும், மணிரத்னம் இயக்கத்தில் கமல்ஹாசன், சிலம்பரசன் நடிக்கும் 'தக் லைப்' படத்தை ஜுன் 5ம் தேதி வெளியிட உள்ளதாகவும் அறிவித்துவிட்டார்கள்.

ஏப்ரல் மாதம் தமிழ்ப் புத்தாண்டிற்கும், அடுத்து மே மாதம் கோடை விடுமுறைக்கும் படங்களை வெளியிட சில பெரிய படங்களின் தயாரிப்பார்கள் இப்போதே தேதிகளை ஆராய்ந்து வருகிறார்கள். இரண்டு பெரிய படங்களின் அறிவிப்புகள் வந்த நிலையில், மற்ற படங்களுக்கான அறிவிப்புகளும் ஒன்றன் பின் ஒன்றாக வெளியாகும் என்று எதிர்பார்க்கப்படுகிறது.

Coolie

Rajinikanth

Lokeshkanagaraj

கருத்துகள் (0) கருத்தைப் பதிவு செய்ய

தள்ளிப்போகும் ‛வீர தீர சூரன்' பட ...

'பிளடி பெக்கர்' நஷ்டத்தைத் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய