அண்ணா என்று சொல்லி சிவகார்த்திகேயனை கடுப்பேத்திய சாய் பல்லவி

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

19 அக், 2024 - 05:34 IST

எழுத்தின் அளவு:

ராஜ்குமார் பெரியசாமி இயக்கத்தில் சிவகார்த்திகேயன், சாய் பல்லவி நடிப்பில் உருவாகியுள்ள படம் அமரன். ராஜ்கமல் பிலிம்ஸ் தயாரித்து உள்ள இந்த படத்திற்கு ஜி.வி.பிரகாஷ் குமார் இசை அமைத்திருக்கிறார். இந்த படத்தின் இசை வெளியீட்டு விழா நேற்று நடைபெற்றது.

இந்த விழாவில் பேசிய சிவகார்த்திகேயன், தன்னை சாய் பல்லவி அண்ணா என்று அழைத்ததாக ஒரு சுவாரஸ்யமான சம்பவத்தை நினைவு கூர்ந்தார். எப்போதுமே டீச்சர் என்றாலே மாணவர்கள் எல்லாம் தெறிச்சு ஓடுவாங்க. ஆனா மலர் டீச்சருக்கு கிடைச்ச மரியாதையை பார்த்ததும் எனக்கு ரொம்ப ஆச்சரியமா இருந்தது. அதோடு அவர் நடிச்ச பிரேமம் படத்தை பார்த்த பிறகு நானும் அவரோட ரசிகன் ஆயிட்டேன்.

ஒருநாள் சாய் பல்லவியோட மொபைல் நம்பர வாங்கி அவரிடத்தில் பேசினேன். ரொம்ப சிறப்பா நடிச்சிருக்கீங்க. அறிமுகக் காட்சியும் கிளைமாக்ஸும் சூப்பரா இருக்குன்னு சொன்னேன். அதற்கு சாய் பல்லவி, ரொம்ப நன்றி அண்ணா என்று சொன்னார். அதை கேட்டு செம கடுப்பாயிட்டேன். நிறுத்துமா, மலர் டீச்சர்கிட்ட பேசுவது மாதிரி நான் பேசுறேன். நீங்க ஏன் சாய் பல்லவி மாதிரி பேசுறீங்க. அண்ணான்னு மட்டும் அழைக்காதீங்க. ஏன்னா என்னைக்காவது ஒருநாள் நாம சேர்ந்து நடிப்போம்ன்னு அவர்கிட்ட சொன்னேன். அப்படி அப்போ சாய் பல்லவிகிட்ட நான் சொன்னது இப்போ இந்த அமரன் படம் மூலமா நிறைவேறி இருக்குன்னு சொன்ன சிவகார்த்திகேயன், சாய் பல்லவி ஒவ்வொரு படத்திலும் தன்னை ஒரு சிறந்த நடிகையா உயர்த்தி கொண்டே வருகிறார். அவர் ஒரு பிராண்ட் நடிகை என்றும் கூறினார்.

Sivakarthikeyan

Saipallavi

Amaran

கருத்துகள் (0) கருத்தைப் பதிவு செய்ய

ஆர்.ஜே.பாலாஜியின் சொர்க்கவாசல் ...

வேட்டையன் 2 உருவாகிறதா? - ஞானவேல் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய