இசை ஆல்பத்தில கவர்ச்சி ஆட்டம் போட்ட அர்ச்சனா

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

25 செப், 2024 - 10:12 IST

எழுத்தின் அளவு:

தொலைக்காட்சி தொகுப்பாளராக தனது மீடியா வாழ்க்கையை தொடங்கியவர் அர்ச்சனா ரவிச்சந்திரன் அதற்பிறகு ராஜாராணி உள்ளிட்ட சில சீரியல்களில் நடித்தார். பிக் பாஸ் 7வது சீசனில் கலந்து கொண்டு டைட்டில் வென்றார். பின்னர் 'டிமாண்டி காலனி' இரண்டாம் பாகத்தில் நடித்தார். பிக் பாஸ் டைட்டில் வென்றும் அவர் எதிர்பார்த்த அளவிற்கு சினிமா வாய்ப்புகள் வரவில்லை.

இதனால் தற்போது இசை ஆல்பங்களில் கவனம் செலுத்தி வருகிறார். ஏற்கெனவே இமைகாலோ, தம்மா துண்டு காதல் என்ற இசை ஆல்பங்களில் நடித்துள்ள அவர் தற்போது 'டாக்ஸிக் காதல்' என்ற இசை ஆல்பத்தில் கவர்ச்சியாக ஆடியுள்ளார். இது ஒரு பார்ட்டி சாங் ஆல்பமாக உருவாகி உள்ளது. தடம், எறும்பு, பீட்சா -3, பைரி போன்ற படங்களுக்கு இசையமைத்த அருண் ராஜ், இந்த பாடலுக்கு இசை அமைத்துள்ளார். அர்ச்சனாவே பாடியும் உள்ளார்.

இதுகுறித்து அர்ச்சனா கூறும்போது "அருண் இந்த படைப்புக்காக என்னை அணுகியதும், 'டாக்ஸிக் காதல்' என்ற கரு என்னை உடனடியாக கவர்ந்துவிட்டது. இது நம்மில் பலருக்கும், குறிப்பாக 'ஜென்-ஸீ' என்றழைக்கப்படும் இந்த தலைமுறையினருடன் தொடர்புடையது, மேலும் இந்த இசைப் பயணத்தில் நான் பங்கேற்பது அந்த உணர்வுகளை புதிய வழியில் வெளிப்படுத்த வழிவகுக்கிறது. நாங்கள் உருவாக்கியதை அனைவரும் கேட்க வேண்டும் என்று ஆவலுடன் எதிர்பார்க்கிறேன்" என்று கூறினார்.

Archana

Music Album

அர்ச்சனா

இசை ஆல்பம்

கருத்துகள் (0) கருத்தைப் பதிவு செய்ய

காம்பவுண்ட் சுவர் விவகாரம்: ...

புதுமுகங்கள் உருவாக்கும் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய