Dinamalar

ஓடிடியில் அதிக 'டிரோல்'களை சந்திக்கும் 'கல்கி 2898 ஏடி'

ஒரு படத்தைப் பார்த்துவிட்டு கிடைக்கும் விமர்சனங்கள், கமெண்ட்டுகளை கூட சந்தித்துவிடலாம். ஆனால், 'டிரோல்'களை சமாளிப்பது பெரும் கஷ்டம். தற்போதைய சமூக வலைத்தள யுகத்தில் 'டிரோல்'கள்தான் அதிகமாக வருகின்றன, கவனிக்கப்படுகின்றன. விதவிதமான டிசைன்களில், மீம்ஸ்களாக அவற்றை வெளியிடுகிறார்கள் பலர். அதில் உள்நோக்கம் கொண்ட டிரோல்கள்தான் அதிகமாக இருக்கும்.

சமீபத்தில் தமிழில் வெளிவந்த 'இந்தியன் 2' படம் ஓடிடியில் வெளியான பின் இப்படியான டிரோல்களை அதிகம் சந்தித்தது. படத்தில் உள்ள பல குறைகளை ரசிகர்கள் அந்தப் படத்தின் வீடியோக்களை வைத்து ஆதாரங்களுடன் டிரோல் செய்தார்கள். ஒரு வாரம் தொடர்ந்த அந்த டிரோல் அதன்பின் புதிய படங்களின் வருகையால் அடங்கியது.

இப்போது தெலுங்குப் படமான 'கல்கி 2898 ஏடி' படத்திற்கு அப்படியான டிரோல்கள் அதிகம் வந்து கொண்டிருக்கிறது. இப்படம் இரு தினங்களுக்கு முன்பு ஓடிடி தளத்தில் வெளியானது. மற்ற மொழி ரசிகர்கள் படத்தைப் பற்றி அதிகம் விமர்சிக்காமல் உள்ளார்கள். ஆனால், ஹிந்தி சினிமா ரசிகர்கள் பலரும் படத்தை 'டிரோல்' செய்து வருகிறார்கள். அது தெலுங்குத் திரையுலகினரை அதிர்ச்சியடைய வைத்துள்ளது.

'பாகுபலி 2, ஆர்ஆர்ஆர், கல்கி 2898 ஏடி' ஆகிய படங்கள் ஹிந்தியிலும் வெளியாக அங்கு நல்ல வசூலைக் குவித்தன. மொத்தமாக 1000 கோடி வசூலைக் கடந்த படங்களாக அமைந்தன. அக்ஷய் குமார், அஜய் தேவகன் உள்ளிட்ட ஹிந்தி நடிகர்கள் சிலர் நடிக்கும் படங்கள் தியேட்டர்களில் படுதோல்வியை சந்திக்கின்றன. அவற்றிற்கு வசூலும் கிடைப்பதில்லை. அந்த ஆத்திரத்தில் ஹிந்தி ரசிகர்கள் பலர், சில குறிப்பிட்ட நடிகர்களின் ரசிகர்கள் பலர் தென்னிந்தியத் திரைப்படங்களை குறி வைத்து டிரோல் செய்வதாகச் சொல்கிறார்கள்.

• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...
• 
  பூட்டிய வீட்டில் இறந்து கிடந்த பாக்., நடிகை; 9 மாதங்களுக்கு பிறகே ...
• 
  பிக் பாஸ் ஹிந்தி சீசன் 19ல் புதிய மாற்றங்கள்
• 
  77 லட்சம் மோசடி செய்ததாக நடிகை ஆலியா பட்டின் முன்னாள் பெண் உதவியாளர் கைது

• 
  இளையராஜா வீட்டு மருமகள் ஆகி இருக்கணும்... : புது குண்டு போட்ட வனிதா, நடந்தது ...
• 
  அனுபவசாலிகள் இல்லாத கட்சி வெற்றி பெறாது : சொல்கிறார் நடிகர் ரஜினி
• 
  ஷங்கரின் கனவுப்படம் 'வேள்பாரி' : தயாரிக்கப் போவது யார் ?
• 
  'மோனிகா' பூஜாவை விட ரசிகர்களைக் கவர்ந்த சவுபின் ஷாகிர்
• 
  பிளாஷ்பேக் : அருக்காணியால் தயங்கிய பாக்யராஜ்