Dinamalar

ரஜினி படத்துடன் மோதுவது சரியாக இருக்காது : சூர்யா பட தயாரிப்பாளர்

ஞானவேல் இயக்கத்தில் ரஜினி நடித்துள்ள படம் வேட்டையன். அமிதாப் பச்சன், பஹத் பாசில், ராணா உள்ளிட்டோர் நடித்துள்ளனர். இந்த படத்தின் படப்பிடிப்பு முடிவடைந்து இறுதிக்கட்ட பணிகள் நடைபெற்று வருகின்றன. அக்டோபர் மாதம் ரிலீஸ் என அறிவித்துள்ளனர். ஆனால் தேதியை குறிப்பிடவில்லை.

இந்நிலையில் சூர்யா நடித்திருக்கும் கங்குவா படத்தை தயாரித்துள்ள ஸ்டுடியோ கிரீன் ஞானவேல் ராஜா கூறுகையில், கங்குவா படம் ஆயுத பூஜை விடுமுறையை முன்னிட்டு திரைக்கு(அக்., 10) வருகிறது. ரஜினியின் வேட்டையன் தீபாவளிக்கு வெளியாவதால் கங்குவா படத்தையும் அதேநாளில் வெளியிட விரும்பவில்லை. படத்தின் மீது பெரிதாக நம்பிக்கை இருந்தாலும் ரஜினி படத்துடன் மோதுவது சரியாக இருக்காது. அதனால் ஆயுத பூஜைக்கு கங்குவா படத்தை வெளியிடுகிறோம் என்று கூறியிருக்கிறார்.

தற்போதைய நிலவரப்படி ரஜினியின் வேட்டையன் படமும் ஆயுத பூஜைக்கு தான் வெளியாகும் என தெரிகிறது. ஒருவேளை ஆயுத பூஜைக்கு வேட்டையன் வந்தால் சூர்யாவின் கங்குவா தீபாவளிக்கு மாற வாய்ப்புள்ளது. அதேசமயம் அஜித் நடித்திருக்கும் விடாமுயற்சி படத்தையும் தீபாவளி ரிலீஸ் என்றுதான் கூறியுள்ளார்கள். அதனால் இப்போது திட்டமிட்டபடி இந்த படங்கள் அதே தேதியில் திரைக்கு வருமா? இல்லை வசூலை கருத்தில் கொண்டு கடைசி நேரத்தில் ரிலீஸ் தேதியை மாற்றிக் கொள்வார்களா? என்பது போகப் போகத்தான் தெரியும்.

• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்

• 
  லாயராக அதுல்யா ரவி, மீனவனாக நான் : டீசல் ரகசியம் சொல்லும் ஹரிஷ் கல்யாண்
• 
  காதல், நகைச்சுவை கதைகளில் நடிக்க ஆர்வமாக இருக்கும் ருக்மணி வசந்த்
• 
  விண்வெளியில் நான்காவது திருமணம் செய்கிறாரா ஹாலிவுட் நடிகர் டாம் குரூஸ்
• 
  அஜித் 64வது படத்தின் அறிவிப்பு எப்போது? : ஆதிக் ரவிச்சந்திரன் தகவல்
• 
  ஓடிடிக்கு வருகிறது லோகா சாப்டர் 1