Dinamalar

'சட்னி - சாம்பார்' சீரிஸின் டீசர் வெளியானது : விரைவில் டிஸ்னி பிளஸ் ஹாட்ஸ்டாரில் வெளியீடு

காமெடி நடிகராக சினிமா வாழ்க்கையை தொடங்கிய யோகி பாபு அதன் பிறகு படங்களில் ஹீரோவாக நடித்தார். இப்போது வெப் சீரிஸிலும் ஹீரோவாக நடிக்கிறார். அழகிய தீயே, மொழி, அபியும் நானும், காற்றின் மொழி, உப்பு கருவாடு, பொம்மை படங்களை இயக்கிய ராதா மோகன் இயக்கும் வெப் தொடர் 'சட்னி சாம்பார்'. இதில் முதன்மை வேடத்தில் யோகி பாபு நடித்துள்ளார். அவருடன் வாணி போஜன், கயல் சந்திரன், நிதின் சத்யா, சார்லி மற்றும் குமரவேல், நிழல்கள் ரவி, மைனா நந்தினி, தீபா சங்கர் உள்ளிட்ட பலர் நடித்துள்ளனர்.

இந்த சீரிஸின் கதை, இரண்டு உணவகங்களைச் சுற்றி நகர்கிறது. முதலாவது நிழல்கள் ரவியின் குடும்பத்திற்குச் சொந்தமான "அமுதா கபே" என்ற பாரம்பரிய ஹோட்டல். ஹோட்டலுக்கு வரும் வாடிக்கையாளர்கள் அங்கு கிடைக்கும் சுவையான சாம்பாருக்காகவே திரும்பத் திரும்ப வருகை தருகிறார்கள்.

அடுத்ததாக யோகி பாபு தள்ளு வண்டியில் நடத்தும் ஒரு சிறிய சாலையோர உணவகமான 'அமுதா உணவகம்'. இங்குள்ள சட்னிக்கு, தனி ரசிகர் பட்டாளமே இருக்கிறது. இந்த இரு உணவகங்களுக்கு இடையேயான போட்டியை மையப்படுத்தியே இந்த சீரிஸ் அமைந்துள்ளது. காமெடி கலந்த குடும்ப பொழுதுபோக்கு தொடராக உருவாகி உள்ளது. தற்போது இதன் டீசர் வெளியாகி உள்ளது. விரைவில் டிஸ்னி+ ஹாட்ஸ்டார் தளத்தில் இந்த தொடர் ஒளிபரப்பாக உள்ளது.

டீசர் லிங்க் : https://www.youtube.com/watch?v=Ww5FHzjFaPQ

• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்

• 
  லாயராக அதுல்யா ரவி, மீனவனாக நான் : டீசல் ரகசியம் சொல்லும் ஹரிஷ் கல்யாண்
• 
  காதல், நகைச்சுவை கதைகளில் நடிக்க ஆர்வமாக இருக்கும் ருக்மணி வசந்த்
• 
  விண்வெளியில் நான்காவது திருமணம் செய்கிறாரா ஹாலிவுட் நடிகர் டாம் குரூஸ்
• 
  அஜித் 64வது படத்தின் அறிவிப்பு எப்போது? : ஆதிக் ரவிச்சந்திரன் தகவல்
• 
  ஓடிடிக்கு வருகிறது லோகா சாப்டர் 1