Dinamalar

சூர்யா 44 படப்பிடிப்பில் இணைந்த ஜோஜூ ஜார்ஜ்

மலையாள திரையுலகில் சமீபகாலமாக குணச்சித்திர நடிகராக பல படங்களில் நடித்து வரவேற்பை பெற்று, கதையின் நாயகனாகவும் நடித்து வருபவர் ஜோசப் பட புகழ் நடிகர் ஜோஜூ ஜார்ஜ். தமிழில் கார்த்திக் சுப்பராஜ் இயக்கிய ஜகமே தந்திரம் என்கிற படத்தின் மூலம் அறிமுகமான இவர் தற்போது ஒரு சிறிய இடைவெளிக்கு பிறகு மணிரத்னம் இயக்கத்தில் கமல் நடித்து வரும் தக் லைப் படத்தில் முக்கிய கதாபாத்திரத்தில் நடிப்பதன் மூலம் மீண்டும் தமிழுக்கு வந்துள்ளார். இந்த படத்தின் படப்பிடிப்பின் போது இவருக்கு காயம் ஏற்பட்டு தற்போது வாக்கிங் ஸ்டிக் உதவியுடன் தான் நடந்து வருகிறார்.

கடந்த சில நாட்களுக்கு முன்பு கார்த்திக் சுப்பராஜ் இயக்கத்தில் சூர்யா நடிக்கும் படத்தில் முக்கிய கதாபாத்திரத்தில் ஜோஜூ ஜார்ஜ் நடிக்கிறார் என்கிற அறிவிப்பு வெளியானது. தற்போது அந்தமான் நிக்கோபார் தீவுகளில் கடந்த சில நாட்களாகவே இந்த படத்தின் படப்பிடிப்பு நடைபெற்று வருகிறது.

சூர்யா, பூஜா ஹெக்டே, கருணாகரன் உள்ளிட்டோர் இந்த படப்பிடிப்பில் கலந்து கொண்டு நடித்து வருகின்றனர். இந்த நிலையில் இந்த படத்தின் படப்பிடிப்பில் நடிகர் ஜோஜூ ஜார்ஜூம் தற்போது இணைந்துள்ளார். கடலில் படகில் தான் அமர்ந்திருப்பது போன்று ஒரு வீடியோவை தனது சோசியல் மீடியா பக்கத்தில் வெளியிட்டு இந்த படத்தில் தற்போது நடித்து வருவதை உறுதி செய்துள்ளார் ஜோஜூ ஜார்ஜ்.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  இது மட்டும் நடந்தால் பிசாசு 2 படத்தை நானே ரிலீஸ் செய்வேன் : ஆண்ட்ரியா
• 
  கோவா சர்வதேச திரைப்பட விழா தொடங்கியது : பாலகிருஷ்ணாவுக்கு கவுரவம்
• 
  ரஜினியின் 'ஜெயிலர்-2' படத்தில் இணைந்த ஹிந்தி நடிகை அபேக்ஷா போர்வல்!
• 
  15 கிலோ எடை குறைத்த கிரேஸ் ஆண்டனி!
• 
  கோவா சர்வதேச திரைப்பட விழாவில் திரையிடப்படும் அமரன்!