Dinamalar

தர்ஷனின் கைதி எண்ணை டைட்டிலாக தர பிலிம் சேம்பர் மறுப்பு

கடந்த சில நாட்களுக்கு முன்பு கன்னட நடிகர் தர்ஷன் தனது ரசிகரான ரேணுகா சுவாமி என்பவரை கொலை செய்ய காரணமாக இருந்தார் என்ற குற்றச்சாட்டின் அடிப்படையில் கைதாகி சிறையில் அடைக்கப்பட்டுள்ளார். அவருடன் பவித்ரா கவுடா உள்ளிட்ட 15க்கும் மேற்பட்டோர் இந்த கொலையில் தொடர்புடையதாக கைது செய்யப்பட்டுள்ளனர். இந்த வழக்கு கன்னட திரையுலகில் மிகப்பெரிய பரபரப்பை ஏற்படுத்தி உள்ளது.

ஒரு பக்கம் தர்ஷன் நடித்த வரும் படங்களின் நிலை என்ன ஆகும் என்கிற கேள்வி இருக்க, இன்னொரு பக்கம் இந்த சூழலை வியாபார நோக்கில் பயன்படுத்திக் கொள்ள திரையுலகை சேர்ந்த சிலர் முயற்சித்து வருகின்றனர். அப்படி சில இயக்குனர்கள் 'டி கேங்' மற்றும் 'கைதி நம்பர் 6106' என்கிற டைட்டில்களை தங்களது படத்திற்கு வழங்குமாறு கன்னட பிலிம் சேம்பரிடம் கோரிக்கை வைத்துள்ளனர்.

இதில் சமீபகாலமாக மீடியாக்களில் செய்திகளில் தர்ஷன் மற்றும் இந்த கொலையில் அவருக்கு உதவியாக ஈடுபட்ட நபர்கள் அனைவரையும் ஒன்று சேர்த்து 'டி கேங்' என்ற பெயரில் குறிப்பிட்டு வருகிறார்கள். தற்போது இந்த பெயர் மிகப்பெரிய அளவில் பிரபலமாக உள்ளது.

இயக்குனர் ராக்கி சோம்லி என்பவர் இரண்டு வருடங்களுக்கு முன்பே 'டி கேங்' என்கிற டைட்டிலை தீர்மானித்து இந்த பெயர் வரும் விதமாக ஒரு பாடலையும் உருவாக்கி உள்ளதாக கூறி தங்களுக்கு இந்த டைட்டிலை வழங்க வேண்டும் என கேட்டுக் கொண்டுள்ளார். அதேபோல இன்னும் சில இயக்குனர்கள் தற்போது சிறையில் உள்ள தர்ஷனுக்கு வழங்கப்பட்டுள்ள கைதி எண் 6106 நம்பரை படத்தின் டைட்டிலாக வைத்து பிலிம் சேம்பரில் பதிவதற்கு முயற்சி செய்து வருகின்றனர். ஆனால் தற்போது தர்ஷனின் வழக்கு நீதிமன்றத்தில் இருப்பதால் இந்த இரண்டு டைட்டில்களையும் வழங்குவதற்கு கன்னட பிலிம் சேம்பர் மறுத்துவிட்டது.

• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்

• 
  லாயராக அதுல்யா ரவி, மீனவனாக நான் : டீசல் ரகசியம் சொல்லும் ஹரிஷ் கல்யாண்
• 
  காதல், நகைச்சுவை கதைகளில் நடிக்க ஆர்வமாக இருக்கும் ருக்மணி வசந்த்
• 
  விண்வெளியில் நான்காவது திருமணம் செய்கிறாரா ஹாலிவுட் நடிகர் டாம் குரூஸ்
• 
  அஜித் 64வது படத்தின் அறிவிப்பு எப்போது? : ஆதிக் ரவிச்சந்திரன் தகவல்
• 
  ஓடிடிக்கு வருகிறது லோகா சாப்டர் 1