Dinamalar

ஜோடி பொருத்தம் பிரமாதம் : சித்தார்த் - அதிதியை வாழ்த்திய ரேகா

தமிழில் ரஜினிகாந்த் நடித்த லிங்கா படத்தில் அவருக்கு ஜோடியாக நடித்தவர் பாலிவுட் நடிகை சோனாக்ஷி சின்ஹா. பிரபல பாலிவுட் நடிகர் சத்ருகன் சின்ஹாவின் மகளான இவரது திருமணம் சமீபத்தில் எளிமையாக நடைபெற்றது. இதனை தொடர்ந்து பிரம்மாண்டமான வரவேற்பு நிகழ்ச்சியும் நடைபெற்றது. இதில் திரையுலக பிரபலங்கள் பலரும் கலந்து கொண்டு மணமக்களை வாழ்த்தினார். சமீபத்தில் தான் தங்களது திருமண நிச்சயதார்த்தத்தை அதிகாரப்பூர்வமாக அறிவித்த காதல் ஜோடியான சித்தார்த், அதிதி ராவ் இருவரும் இந்த வரவேற்பு நிகழ்ச்சியில் கலந்து கொண்டனர்.

அதுமட்டுமல்ல நடிகர் ஜெமினி கணேசன் மகளும் பிரபல பாலிவுட் நடிகையுமான ரேகாவும் இந்த வரவேற்பு நிகழ்வில் கலந்து கொண்டார். அப்போது சித்தார்த், அதிதி இருவரையும் அருகில் அழைத்து வாஞ்சையுடன் இருவரையும் கைகோர்த்து அணைத்தபடி புகைப்படக்காரர்களுக்கு போஸ் கொடுத்தார் ரேகா. அதைத் தொடர்ந்து இருவரையும் சுட்டிக்காட்டி இவர்களது ஜோடி பொருத்தம் பிரமாதம் என சைகையாலேயே கூறினார் ரேகா. அதைக் கேட்டதும் அதிதி முகத்தில் அளவற்ற சந்தோசம் பொங்கியதை பார்க்க முடிந்தது. இந்த வீடியோ தற்போது சோசியல் மீடியாவில் வைரலாக பரவி வருகிறது.

• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே
• 
  தனுஷின் தேரே இஷ்க் மெயின் டிரைலர் வெளியீடு : வரவேற்பு எப்படி

• 
  இந்த முட்டாள் யார் : ஸ்ரேயா கோபம்
• 
  பெண் குழந்தைக்கு அப்பாவான பிரேம்ஜி அமரன்
• 
  டிச., 8ல் துவங்கும் சூர்யா 47 பட படப்பிடிப்பு
• 
  தயாரிப்பாளர் சங்கத் தேர்தலில் கடும் போட்டி
• 
  ஏகனுக்கு ஜோடியாக இரண்டு நாயகிகள்