Dinamalar

அல்லு அர்ஜூனுக்கு நேரில் திருமண அழைப்பு விடுத்த வரலட்சுமி

தமிழ் திரை உலகில் மட்டுமல்ல தென்னிந்திய அளவில் அடுத்ததாக எதிர்பார்க்கப்படும் சுப நிகழ்வு நடிகை நடிகை வரலட்சுமியின் திருமணம் தான். தமிழ் உட்பட தென்னிந்திய மொழிகளில் பிஸியாக நடித்து வரும் வரலட்சுமி தனது நீண்ட நாள் நண்பரான நிக்கோலய் சக்தேவ் என்பவரை திருமணம் செய்ய இருக்கிறார். வரும் ஜூலை இரண்டாம் தேதி இவர்கள் திருமணம் நடைபெற இருக்கிறது. கடந்த சில நாட்களாகவே திரை உலகை சேர்ந்த பிரபலங்களுக்கும் அரசியல் கட்சி தலைவர்களுக்கும் அழைப்பிதழ் கொடுக்கும் பணியில் ஈடுபட்டு வருகின்றனர் சரத்குமார் குடும்பத்தினர்.

சமீபத்தில் துபாய் சென்றிருந்த வரலட்சுமி அங்கே தனது வருங்கால கணவர் மற்றும் தனது தந்தை சரத்குமார் ஆகியோருடன் ஷாப்பிங் சென்ற வீடியோ வெளியானது.. இந்த நிலையில் துபாயிலிருந்து கிளம்பி நேரடியாக ஐதராபாத்திற்கு வந்து இறங்கிய வரலட்சுமி அங்குள்ள தனது நண்பர்களுக்கு அழைப்பிதழ் விநியோகம் செய்யும் பணியை ஆரம்பித்துள்ளார். அந்த வகையில் தெலுங்கு முன்னணி நடிகர் அல்லு அர்ஜூனை தனது வருங்கால கணவருடன் நேரில் சென்று சந்தித்து தனது திருமணத்திற்கு அழைப்பு விடுத்துள்ளார் வரலட்சுமி.

கடந்த ஐந்து வருடங்களாக தெலுங்கில் முக்கிய படங்களில் நடித்து வரும் வரலட்சுமி இன்னும் அல்லு அர்ஜூனுடன் இணைந்து நடிக்கவில்லை என்றாலும் அவருடன் நல்ல நட்பில் இருக்கிறார் என்பது குறிப்பிடத்தக்கது.

• 
  மனநல தூதர் ஆனார் தீபிகா
• 
  செருப்பு அணிந்து அபுதாபி மசூதிக்குள் சென்றாரா சோனாக்ஷி சின்ஹா?
• 
  பண்ணை வீடு திருட்டு சம்பவம் ; துப்பாக்கி லைசென்ஸுக்கு விண்ணப்பித்த ...
• 
  சுஹர்ஷ் ராஜ் நடித்த மியூசிக் வீடியோ: அனூப் ஜலோடா, பாடகி மதுஸ்ரீ பாராட்டு
• 
  ஹ்ரித்திக் ரோஷன் தயாரிப்பில் உருவாகும் புதிய வெப் தொடர்

• 
  பிரியங்கா மோகனின் ‛மேட் இன் கொரியா'
• 
  பாலாஜி மோகன், அர்ஜுன் தாஸ் இணையும் ‛லவ்'
• 
  சூரியை கதாநாயகனாக வைத்து படம் இயக்கும் சுசீந்திரன்
• 
  கோர்ட் ஸ்டேட் vs நோ படி படத்தின் தமிழ் ரீமேக் புதிய அப்டேட்
• 
  2025, இந்தியாவில் 500 கோடி கடந்த இரண்டாவது படம் 'காந்தாரா சாப்டர் 1'