Dinamalar

விக்கிரவாண்டி இடைத்தேர்தலில் போட்டியில்லை : நடிகர் விஜய் கட்சி அறிவிப்பு

சென்னை: 2026ல் தமிழக சட்டசபை தேர்தலுக்கு முன்னதாக வரும் விக்கிரவாண்டி இடைத்தேர்தல், உள்ளாட்சி தேர்தல் என எந்த தேர்தலிலும் நடிகர் விஜய்யின் தமிழக வெற்றிக் கழகம் (த.வெ.க) கட்சி போட்டியிடாது என அறிவித்துள்ளது. மேலும், எந்த கட்சிக்கும் ஆதரவும் இல்லை என்றும் தெரிவித்துள்ளது.

ஜூலை 10ல் நடைபெற உள்ள விக்கிரவாண்டி சட்டசபை தொகுதி இடைத்தேர்தலில் அதிமுக, தேமுதிக உள்ளிட்ட கட்சிகள் புறக்கணித்துள்ள நிலையில், நடிகர் விஜய்யின் தமிழக வெற்றிக் கழகம் கட்சியும் இடைத்தேர்தலில் போட்டியில்லை என அறிவித்துள்ளது. இது தொடர்பாக வெளியிடப்பட்ட அறிக்கையில் கூறப்பட்டுள்ளதாவது : கடந்த பிப்.,2ம் தேதி வெளியிட்ட கட்சித் துவக்க அறிவிப்பிற்கான முதல் அறிக்கையிலேயே, கட்சித் தலைவர் விஜய், எங்களின் அரசியல் நிலைப்பாடு குறித்து தெளிவாக குறிப்பிட்டுள்ளார்.

விரைவில் கட்சியின் கொள்கைகள், கோட்பாடுகள் மற்றும் செயல்திட்டங்களை எங்களின் முதல் மாநில மாநாட்டில் வெளியிட்டு, 2026ல் நடைபெற உள்ள சட்டசபை பொதுத் தேர்தலுக்கான ஆயத்தப் பணிகளை மேற்கொண்டு, தேர்தலில் போட்டியிட்டு வெற்றி பெற்று, மக்கள் பணியாற்றுவது தான் எங்கள் இலக்கு. எனவே, அதுவரை இடைப்பட்ட காலத்தில் நடத்தப்படும் உள்ளாட்சித் தேர்தல் உட்பட எந்தத் தேர்தலிலும் தமிழக வெற்றிக் கழகம் போட்டியிடாது. ஜூலை 10ல் நடைபெற உள்ள விக்கிரவாண்டி தொகுதி இடைத்தேர்தலிலும் போட்டியிடாது; எந்த கட்சிக்கும் ஆதரவும் இல்லை. இவ்வாறு அதில் கூறப்பட்டுள்ளது.

• 
  சினிமாவில் இது தான் எதார்த்தம் : திரிப்தி டிமிரி
• 
  பாலிவுட் நடிகர் அமீர்கான் வீட்டுக்கு போன 25 ஐபிஎஸ் அதிகாரிகள்!
• 
  ஹிந்தியில் நேரடியாக டிவியில் ஒளிபரப்பாகும் ‛ரங்கஸ்தலம்'
• 
  மோகன்லாலை போலத்தான் கஜோலும் : பிரமிக்கும் பிரித்விராஜ்
• 
  'சாயரா' இந்தியாவில் நிகர வசூல் 250 கோடி

• 
  சோசியல் மீடியாவில் விமர்சிக்கப்படும் சாய்பல்லவியின் சீதா தேவி ...
• 
  விஜய் இல்லாமல் எல்சியுவை தொடர சான்ஸ் இல்லை! - லோகேஷ் கனகராஜ்
• 
  பாண்டிராஜ் இயக்கத்தில் அடுத்து நடிப்பது விஜய்சேதுபதியா? சூரியா?
• 
  முழு நீள போலீஸ் வேடத்தில் நடிக்க விஜய் தேவரகொண்டா ஆர்வம்
• 
  துல்கர் சல்மானின் ‛காந்தா' படத்தின் ரிலீஸ் தேதி அறிவிப்பு